Surat: સુરત-નવસારી વચ્ચે 1 કિલોમીટરનો બુલેટ ટ્રેનનો ટ્રેક તૈયાર, જુઓ આકાશી દ્રશ્યો
અમદાવાદ- મુંબઇ બુલેટ ટ્રેનની ( Bullet Train )કામગીરી પુરજોશમાં ચાલી રહી છે. જેમાં મુંબઈ-અમદાવાદ હાઈ-સ્પીડ રેલ પ્રોજેક્ટ માટે જરૂરી કુલ 1396 હેક્ટર જમીનમાંથી લગભગ 90 ટકા જમીનનું સંપાદન પૂર્ણ થઈ ગયું છે.
અમદાવાદ (Ahmedabad) -મુંબઈ વચ્ચે બુલેટ ટ્રેનનું (Bullet Train) કામ જોરશોરથી ચાલી રહ્યું છે. ત્યારે સુરતથી નવસારી (Surat-navsari) વચ્ચેના રૂટમાં 1 કિલોમીટરનો ટ્રેક તૈયાર કરવામાં આવ્યો છે. ફૂલ સ્પાન ગર્ડરની મદદથી પિલર પર 1 કિલોમીટરનો ટ્રેક તૈયાર કરવામાં આવે છે. આ ટ્રેકના ડ્રોન વિઝ્યુઅલ સામે આવ્યા છે. જેમાં ટ્રેકનું કામકાજ જોવા મળી રહ્યું છે.
અમદાવાદ- મુંબઇ બુલેટ ટ્રેનને કામગીરી પુરજોશમાં
અમદાવાદ- મુંબઇ બુલેટ ટ્રેનની ( Bullet Train )કામગીરી પુરજોશમાં ચાલી રહી છે. જેમાં મુંબઈ-અમદાવાદ હાઈ-સ્પીડ રેલ પ્રોજેક્ટ માટે જરૂરી કુલ 1396 હેક્ટર જમીનમાંથી લગભગ 90 ટકા જમીનનું સંપાદન પૂર્ણ થઈ ગયું છે. જેમાં રેલવે મંત્રાલયે જાહેર કરેલા પ્રોગ્રેસ રિપોર્ટમાં જણાવ્યું છે કે 508.18-કિ.મી.ના રૂટમાંથી 162 કિ.મી. ફાઉન્ડેશન વર્ક અને 79.2 કિમી પર પિયર કામ પૂર્ણ થઈ ગયું છે. સાબરમતી ખાતે પેસેન્જર ટર્મિનલ હબનું કામ પણ પૂર્ણતાને આરે છે. ગુજરાત અને દાદરા- નગર હવેલીમાં સ્થિત પ્રોજેક્ટની કુલ 352 કિ.મી.ના કામમાં સિવિલ વર્ક ડિસેમ્બર 2020 થી વિવિધ તબક્કામાં શરૂ થઈ ગયા છે.
આ ઉપરાંત જો જમીન સંપાદનની સ્થિતિની વાત કરીએ તો ગુજરાતમાં 98.8 ટકા, દાદરા નગર હવેલીમાં 100 ટકા અને મહારાષ્ટ્રમાં 75.25 ટકા જમીન સંપાદિત કરવામાં આવી છે. બુલેટ ટ્રેનના કામના પ્રગતિ અહેવાલ પર નજર કરીએ તો
1) ગુજરાત વિભાગમાં 75 KM પિયરનું કામ પૂર્ણ,
2) ગુજરાત વિભાગમાં 156 KMનું પાઈલીંગ કામ પૂર્ણ,
3) ગુજરાતના તમામ 8 સ્ટેશનો પર કામ પૂર્ણ થવાના વિવિધ તબક્કાઓ હેઠળ છે.
4) 352 KMના વિભાગ માટે 100 ટકા સિવિલ અને ટ્રેક કોન્ટ્રાક્ટ આપવામાં આવ્યો છે.
