Surendranagar : મુખ્ય રસ્તા પર રખડતા ઢોરનો અંડીગો, તાત્કાલિક કાર્યવાહી કરવાની સ્થાનિકોની માગ, જુઓ Video

ગુજરાતમાં ફરી એક વાર રખડતા ઢોરનો ત્રાસ જોવા મળ્યો છે. દુધરેજ, વઢવાણ, જોરાવરનગર સહિત મહાનગરપાલિકા વિસ્તારમાં રસ્તાઓ પર નિરંકુશ રીતે ફરી રહેલા ઢોરને કારણે ટ્રાફિકમાં અવરોધ ઊભા થાય છે. તો બીજી તરફ અકસ્માતની ઘટનાઓ પણ વધી રહી છે. હદ તો ત્યારે થાય છે જ્યારે મનપાની ઢોર પકડ પાર્ટીના અધિકારીઓ વાસ્તવિક્તા વિરૂદ્ધ મોટા દાવાઓ કરી રહ્યાં છે. કે મહાનગરપાલિકા અસ્તિત્વમાં આવી ત્યારથી રખડતા ઢોરનો ત્રાસ કાબૂમાં આવ્યો છે અને રખડતા ઢોર પકડવાની કામગીરી થઈ છે.

સુરેન્દ્રનગરમાં રખડતા ઢોરનો ત્રાસ યથાવત

સુરેન્દ્રનગરમાં દરેક મુખ્ય રસ્તા પર ચારેયતરફ રખડતા ઢોરનો અડ્ડો જોવા મળી રહ્યો છે.જેના કારણે વાહનચાલકો હાલાકી ભોગવી રહ્યાં છે. તેમજ આખલા યુદ્ધને કારણે અમુકવાર લોકોને ઈજા પહોંચતી હોય છે. જેથી વૃદ્ધ હોય કે બાળક બહાર નીકળવામાં ડર અનુભવતા હોય છે. હવે તો પ્રજા પણ ત્રાસીને મનપા સામે રોષ ઠાલવી રહી છે અને યોગ્ય કામગીરીની માગ કરી રહી છે.