સાબરકાંઠા જિલ્લામાં ધોધમાર વરસાદ વરસ્યો છે. ભારે વરસાદને લઈ ચોતરફ પાણી ભરાઈ જવા પામ્યા હતા. આ દરમિયાન હિંમતનગરના હમીરગઢ નજીક અંડરપાસમાં બસ ફસાઈ જવા પામી હતી. અંડરપાસમાં બસને ચાલકે ઉતારી હતી. આ દરમિયાન બસ પાણીમાં જ બંધ પડી જતા સંપૂર્ણ પણે ડૂબી જવા પામી હતી.
વિદ્યાર્થીઓને લેવા માટે બસ જઈ રહી હતી અને એ દરમિયાન જ બસ પાણીમાં ફસાઈ ગઈ હતી. એસટી વિભાગના અધિકારીઓ સ્થળ પર પહોંચ્યા હતા અને ચાલકની બેદરકારી હોવા અંગે તપાસ શરુ કરી હતી. હિંમતનગરના ધારાસભ્ય વીડી ઝાલા પણ સ્થળ પર પહોંચ્યા હતા અને તેઓએ અજમેર રેલવે ડિવિઝનના અધિકારીઓને વરસાદી પાણીને લઈ અંડરપાસની સમસ્યાને દૂર કરવા જણાવ્યું હતુ.
Published On - 3:03 pm, Mon, 29 July 24