પ્રેમની ચાહત લોકો કોઇ પણ હદ પાર કરી નાંખે છે, પરંતુ કચ્છના ભચાઉમાં એક હચમચાવી નાખે એવી ઘટના સામે આવી છે. પ્રેમી યુગલે આજીવન એક બીજા સાથે રહેવા માટે એક 84 વર્ષીય વૃદ્ધાની હત્યા કરી છે. સમગ્ર ઘટનાની વાત કરીએ તો, ભચાઉમાં 3 દિવસ પહેલા એક વૃદ્ધા ગાયબ થયા હતા. જો કે તપાસ બાદ વૃદ્ધાનો મૃતદેહ એક દુકાનમાંથી મળ્યો હતો.
પોલીસ તપાસમાં ખુલાસો થયો છે કે દુકાન માલિકના પુત્રએ જ હત્યા કરી છે. કારણ કે આ યુવકને વૃદ્ધાની કૌટુંબિક યુવતી સાથે પ્રેમ હતો અને બંને સાથે રહેવા માગતા હતા. જેને લઇ તેમણે એક પ્લાન બનાવ્યો કે વૃદ્ધાને મારી નાંખીને મૃતદેહને યુવતી હોવાનું સાબિત કરી દઇએ.
આ પણ વાંચો કચ્છના આદિપુર પાસે રેલ રોકો આંદોલન, લોકોએ લીલાશાહ ફાટક પાસે ટ્રેનને અટકાવી કર્યો વિરોધ
જે બાદ પ્રેમી યુગલે મળીને વૃદ્ધાની હત્યા કરી નાંખી અને બંનેએ ભાગવાનો પ્લાન કર્યો હતો. પોલીસની 10 ટીમે 117 CCTVની તપાસ કરીને બંને પ્રેમી યુગલને ઝડપી પાડ્યા હતા. પોલીસે વધુ કાર્યવાહી હાથ ધરી છે. અગાઉ પણ સામખિયાળી ક્બ્રસ્તાનમાંથી પણ કબર ખોદીને મૃતદેહ લાવવાનો પ્રયાસ કર્યો હતો.
Published On - 5:15 pm, Sun, 5 November 23