Cyclone Biporjoy : ગુજરાતના દરિયા કિનારે લેન્ડફોલની પ્રક્રિયા (process of landfall) ચાલી રહી છે. ગુજરાતના દરિયા કાંઠે વાવઝોડું ટકરાયું છે જે ગુજરાતમાં મધરાતે આગળ વધશે. વાવાઝોડાને લઈ કેબિનેટ પ્રધાનની અધ્યક્ષતામાં બેઠક યોજાઇ છે. ભુજ કલેક્ટર ઓફિસમાં આ બેઠક યોજાઇ હતી. આરોગ્ય મંત્રી ઋષિકેશ પટેલ અને પ્રભારી મંત્રી પ્રફુલ પાનશેરીયાએ બિપરજોય વાવાઝોડાની રિયલ ટાઈમ સ્થિતિની સમીક્ષા કરી છે. મંત્રીઓએ કલેકટર ઓફિસના કંટ્રોલ કમાન્ડર સેન્ટરના અધિકારીઓ પાસેથી વિસ્તૃત જાણકારી મેળવી.
સ્થાનિક વહીવટી તંત્ર અને કેન્દ્રીય બચાવ એજન્સીઓના શીર્ષ અધિકારીઓ સાથે બિપરજોય વાવાઝોડાની પ્રવર્તમાન પરીસ્થિતિનું મોનીટરીંગ કરવામાં આવ્યુ છે. NDRF,SDRF, પોલીસ, રિઝર્વ પોલીસ ફોર્સ, બી.એસ.એફ, એરફોર્સ તેમજ હવામાન ખાતાના અધિકારીઓ પાસેથી મંત્રીઓએ વિગતવાર જાણકારી મેળવી હતી. બેઠકમા પુર્વ કલેકટર મહેન્દ્ર પટેલ, કચ્છ-મોરબી સાંસદ વિનોદ ચાવડા, ભુજના ધારાસભ્ય કેશુ પટેલ અને પ્રભારી સચિવ હર્ષદ પટેલ ઉપસ્થિત રહ્યા.
બિપરજોય વાવાઝોડાના તાજા સમાચાર વાંચવા માટે અહીં ક્લિક કરો