સુરતીઓએ આ જ જોવાનું બાકી હતું ! શહેરમાં કાદવ કિચડથી સાંસદ ગોવિંદ ધોળકિયા પરેશાન, જુઓ Video
વરસાદ બાદ સુરત શહેરમાં સર્જાયેલી કાદવ અને બિસ્માર રસ્તાઓની સ્થિતિને લઈને રાજ્યસભાના સાંસદ ગોવિંદ ધોળકિયાએ નારાજગી વ્યક્ત કરી છે. તેમણે ચાલતી કારમાંથી વીડિયો બનાવી રસ્તાઓની દુર્દશા દર્શાવી.
સુરત શહેરમાં વરસાદ પછી સર્જાયેલી કાદવ અને ખરાબ રસ્તાઓની સ્થિતિને લઈને રાજ્યસભાના સાંસદ ગોવિંદ ધોળકિયાએ જાહેરમાં નારાજગી વ્યક્ત કરી છે. સાંસદ ધોળકિયાએ એક વીડિયો બનાવીને શહેરના રસ્તાઓની દયનીય હાલત પર પ્રકાશ પાડ્યો હતો. આ વીડિયો તેમણે પોતાની ચાલતી કારમાંથી બનાવ્યો હતો, જેમાં સ્પષ્ટપણે કાદવ અને ખાડાવાળા રસ્તાઓ જોઈ શકાય છે.
વીડિયોમાં સાંસદ ધોળકિયાએ કહ્યું કે, “કોઈના પેટનું પાણી હાલતું જ નથી.” તેમણે તંત્રના અધિકારીઓની કામગીરી અંગે પણ ગંભીર સવાલો ઉઠાવ્યા અને આક્ષેપ કર્યો કે લોકો ખરાબ રસ્તાઓને કારણે ભારે પરેશાનીનો સામનો કરી રહ્યા છે, પરંતુ સમસ્યાનો યોગ્ય ઉકેલ લાવવામાં આવતો નથી. ધોળકિયાએ વીડિયોમાં એક ચોક્કસ સ્થળનો ઉલ્લેખ કરતાં જણાવ્યું કે, એક પાર્કિંગ વિસ્તાર પણ રોડ જ છે, પરંતુ ત્યાં વચ્ચે ખાડો હોવાથી લોકોને પાછળ પાર્ક કરવાની ફરજ પડે છે.
તેમણે આ સ્થિતિને સુરત માટે “શરમજનક” ગણાવી હતી. આ વીડિયો દ્વારા તેમણે શહેરના માળખાકીય સુવિધાઓની જાળવણી અંગે સ્થાનિક વહીવટીતંત્રની નિષ્ક્રિયતા પર પ્રશ્નાર્થ મૂક્યો છે. વરસાદી માહોલ વચ્ચે કાદવ, ખાડા અને બિસ્માર રસ્તાઓ ફરી એકવાર ચર્ચાનો વિષય બન્યા છે, અને સાંસદના આ આક્ષેપોએ આ મુદ્દાને વધુ ગંભીર બનાવ્યો છે.
જેલમાં બંધ ગુજસીટોક કેસના આરોપી કોર્પોરેટર અલ્તાફ ખફી પ્રજાના પ્રશ્નોને લઈ મનપાની સામાન્ય સભામાં પહોંચ્યા, જુઓ Video
