Rajkot Breaking News : રાજકોટના કોર્પોરેટરોનું માનદ વેતન વધારવાની માગ, ₹15 હજારથી ₹50 હજાર કરવા રજૂઆત ! જુઓ Video
રાજકોટ મહાનગરપાલિકામાં કોર્પોરેટરોના માનદ વેતનને લઈને મહત્વની રજૂઆત કરવામાં આવી છે. મનપાના 40થી વધુ કોર્પોરેટરોએ મેયર નેહલ શુક્લ સમક્ષ માનદ વેતનમાં વધારો કરવાની માંગ કરી છે. કોર્પોરેટરોનું હાલનું માનદ વેતન ₹15 હજાર છે, જેને વધારીને ₹50 હજાર કરવામાં આવે તેવી રજૂઆત કરવામાં આવી છે.
રાજકોટ મહાનગરપાલિકામાં કોર્પોરેટરોના માનદ વેતનને લઈને મહત્વની રજૂઆત કરવામાં આવી છે. મનપાના 40થી વધુ કોર્પોરેટરોએ મેયર નેહલ શુક્લ સમક્ષ માનદ વેતનમાં વધારો કરવાની માંગ કરી છે. કોર્પોરેટરોનું હાલનું માનદ વેતન ₹15 હજાર છે, જેને વધારીને ₹50 હજાર કરવામાં આવે તેવી રજૂઆત કરવામાં આવી છે.
મળતી માહિતી મુજબ, માનદ વેતનમાં વધારો કરવાની માંગ સાથે 40થી વધુ કોર્પોરેટરોએ મેયર સમક્ષ રજૂઆત કરી હતી. ખાસ વાત એ છે કે રજૂઆત કરનારા કોર્પોરેટરોમાં 35 મહિલા કોર્પોરેટરોનો પણ સમાવેશ થાય છે. કોર્પોરેટરો દ્વારા લાંબા સમયથી માનદ વેતનમાં યોગ્ય વધારો કરવાની જરૂરિયાત હોવાની વાત રજૂ કરવામાં આવી હોવાનું જાણવા મળે છે.
મેયરે સરકારને જાણ કરવાની આપી ખાતરી
કોર્પોરેટરોની રજૂઆતને ધ્યાનમાં લઈને મેયર નેહલ શુક્લે આ મામલે સરકારને જાણ કરવાની ખાતરી આપી છે. હવે કોર્પોરેટરોની આ માંગ અંગે સરકાર તરફથી શું નિર્ણય લેવામાં આવે છે તેના પર સૌની નજર રહેશે. માનદ વેતનમાં વધારો કરવાની આ માંગને કારણે આગામી દિવસોમાં રાજકોટ મહાનગરપાલિકાના રાજકીય વર્તુળોમાં ચર્ચા તેજ થવાની શક્યતા છે.
કોર્પોરેટરોની રજૂઆત બાદ હવે આ મામલો સરકાર સુધી પહોંચશે અને સરકારના નિર્ણય બાદ માનદ વેતન વધારવા અંગેની સ્થિતિ સ્પષ્ટ થશે. હાલમાં કોર્પોરેટરોને મળતા માનદ વેતન અને માગવામાં આવેલા વધારા વચ્ચે મોટો તફાવત છે. તેથી આ માંગને લઈને આગામી સમયમાં વધુ ચર્ચા અને નિર્ણયની શક્યતા છે.
