Bharuch: ભરૂચમાં નર્મદા નદીનું જળસ્તર સતત વધી રહ્યુ છે. નર્મદા નદી ભયજનક સ્તરે વહી રહી છે. નર્મદા નદીએ રૌદ્ર સ્વરૂપ ધારણ કર્યુ છે. નર્મદા નદીની જળસપાટી હાલ 39 ફુટે પહોંચી ગઈ છે. લોકો પોતાની ઘરવખરી સાથે સ્થળાંતર કરવા મજબુર બન્યા છે. કાંઠા વિસ્તારના ગામોમાં લોકોનું સ્થળાંતર કરવામાં આવ્યુ છે. નર્મદા નદીની ભયજનક સપાટી 30 ફુટ છે અને હાલ નદી 39 ફુટ પર પહોંચી છે. આસપાસના વિસ્તારોને એલર્ટ આપવામાં આવ્યુ છે.
તંત્ર દ્નારા પણ રાહત બચાવની તમામ તૈયારીઓ કરવામાં આવી છે. NDRF અને SDRFની ટીમો સજ્જ રખાઈ છે. નર્મદામાં પૂરની સ્થિતિને પગલે નદી કિનારે આવેલુ પાતાળેશ્વર મહાદેવ મંદિરે જાણે જળસમાધિ લીધી છે. સમગ્ર મંદિર પાણીમાં ગરકાવ થયુ છે. પાતાળેશ્વર મહાદેવ પર અભિષેક થતા હોય તેવા દૃશ્યો જોવા મળ્યા હતા.
હવામાન અને ગુજરાતના તમામ જિલ્લાના સમાચાર વાંચવા માટે અહીં ક્લિક કરો
Published On - 12:26 am, Mon, 18 September 23