આજનું હવામાન : દિવાળીએ માવઠાની આફત ! અનેક વિસ્તારોમાં પવન સાથે વરસાદની આગાહી, જુઓ Video
હવામાન વિભાગની આગાહી અનુસાર આજે રાજ્યના અનેક વિસ્તારોમાં વરસાદી માહોલ જોવા મળી શકે છે. આગામી 5 દિવસ સુધી રાજ્યમાં વરસાદની આગાહી કરવામાં આવી છે. ત્યારે સુરત, નવસારી અને ડાંગ જિલ્લામાં છેલ્લા 3 દિવસથી વરસાદ વરસી રહ્યો છે.
હવામાન વિભાગની આગાહી અનુસાર આજે રાજ્યના અનેક વિસ્તારોમાં વરસાદી માહોલ જોવા મળી શકે છે. આગામી 5 દિવસ સુધી રાજ્યમાં વરસાદની આગાહી કરવામાં આવી છે. ત્યારે સુરત, નવસારી અને ડાંગ જિલ્લામાં છેલ્લા 3 દિવસથી વરસાદ વરસી રહ્યો છે. જો કે માત્ર દક્ષિણ ગુજરાતમાં જ નહીં પરંતુ સૌરાષ્ટ્રના કેટલાક જિલ્લાઓમાં પણ વરસાદ વરસી શકે છે. હાલ દક્ષિણ ભારતમાં એક સિસ્ટમ સક્રિય થઈ છે. જેના કારણે વરસાદની આગાહી કરવામાં આવી છે. આ ઉપરાંત દિવાળી પર જ નહીં પરંતુ ઓક્ટોબરના અંતમાં પણ વરસાદ વરસી શકે છે. હવામાન વિભાગની આગાહી અનુસાર ઓકટોબરના અંતમાં એક ચક્રવાત સક્રિય થાય તેવી શક્યતા વ્યક્ત કરી છે.
અનેક વિસ્તારોમાં પવન સાથે વરસાદની આગાહી
હવામાન નિષ્ણાંત અંબાલાલ પટેલની આગાહી અનુસાર દિવાળી બાદ ગુજરાત પર ફરી ચક્રવાતનો ખતરો જોવા મળી શકે છે. અંબાલાલ પટેલે ઓકટોબરના અંતમાં ચક્રવાતની આગાહી કરવામાં આવી છે. 26 ઓકટોબર બાદ બંગાળ ઉપસાગરમાં ભારે ચક્રવાત સર્જાશે. ચક્રવાતની અસરને પગલે હવામાનમાં પલટો આવશે. 30 ઓકટોબર સુધીમાં માવઠું થવાની શક્યતા છે. આ ઉપરાંત રાજ્યમાં 23 ઓકટોબરથી ઠંડા પવન ફૂંકાવવાની પણ શક્યતા છે.
આમ દિવાળીએ ફટાકડાઓનું સૂરસુરિયું થવાનું નક્કી છે. વરસાદના કારણે દક્ષિણ ગુજરાતમાં દિવાળીની ઉજવણીમાં ભંગ પડી શકે છે. જો વરસાદી માહોલ રહેશે તો દિવાળીની ઉજવણીનું ધોવાણ થઈ શકે છે.
