શનિવારે મોડી રાતે ટીમ ઇન્ડિયાએ દક્ષિણ આફ્રિકા પર 7 રને રોમાંચક ટાઈટલ જીત્યા બાદ સમગ્ર દેશના રસ્તાઓ પર એક એવું દ્રશ્ય જોવા મળ્યું જે ભાગ્યે જ જોવા મળે છે. ICC મેન્સ T20 વર્લ્ડ કપની ફાઇનલ મેચમાં ભારતીય ટીમની ભવ્ય જીતનો ઉત્સાહ સમગ્ર દેશમાં છે.
દેશના દરેક રાજ્યોમાં ખુશીનો માહોલ જોવા મળી રહ્યો છે. ત્યારે ગુજરાતના રાજકોટમાં પણ મોટા ભાગના શહેરીજનો વિશ્વકપની ફાઈનલ મેચ જોવા રેસકોર્સ મેદાનમાં એકઠા થયા હતા. રાજકોટવાસીઓએ ઢોલ – નગારા અને ફટાકડા ફોડીને ભારતની ભવ્ય જીતની ઉજવણી કરી છે. રાજકોટમાં દિવાળી જેવો માહોલ ઉભો કરવામાં આવ્યો હતો.
રાજકોટવાસીઓએ રસ્તાઓ પર ચક્કાજામ કરી દીધા હોય તેવા દ્રશ્યો પણ જોવા મળ્યા હતા.વર્ષ 2011માં ધોનીની કપ્તાનીમાં ભારતમાં આયોજિત ફિફ્ટી-ફિફ્ટી વર્લ્ડ કપમાં જીત સમયે પણ આવી જ કેટલીક તસવીરો જોવા મળી હતી. જેનું શનિવારે પુનરાવર્તન થયું હતું.શનિવારે ભારતે દક્ષિણ આફ્રિકાને હરાવ્યું ત્યારે ફરી એકવાર આ દ્રશ્ય જોવા મળ્યું હતું.
ગુજરાતના તમામ જિલ્લાના સમાચાર વાંચવા માટે અહીં ક્લિક કરો