બુટલેગરો દારુની હેરફેર કરવા અને તેનો સંગ્રહ કરવા માટે અનવનવા કિમિયા અપનાવતા હોય છે. આવી જ રીતે વડોદરાના ફતેગંજ વિસ્તારમાં બુટલેગરોએ દારુનો સંગ્રહ કર્યો હોવાની વિગતો મળવાને લઈ PCBએ દરોડો બાતમી આધારે પાડ્યો હતો. પોલીસે ડીજેની આડમાં દારુનો વેપલો કરાતો હોવાનું ઝડપી લઈને કાર્યવાહી કરી છે.
ફતેગંજ વિસ્તારમાં એક મકાનમાં PCBએ દરોડો પાડતા ડીજે સ્પિકરમાં સંતાડેલો દારુ મળી આવ્યો હતો. આ ઉપરાંત ઘરની દિવાલો સહિતમાં બનાવેલા ગુપ્તા ખાનાઓને પણ પોલીસે શોધી નિકાળ્યા હતા અને જેમાંથી દારુનો જથ્થો મળી આવ્યો હતો. બુટલેગર પ્રદીપની પોલીસે ધરપકડ કરી છે. જ્યારે પવન, રવિ અને મહિડા નામના શખ્શોને વોન્ટેડ જાહેર કરવામાં આવ્યા છે.