Gujarati Video: વલસાડમાં રખડતા ઢોરે વૃદ્ધ રાહદારીને લીધા અડફેટે, ખાનગી હોસ્પિટલમાં સારવાર અર્થે ખસેડાયા

Valsad  : અવારનવાર રાજ્યમાં રખડતા ઢોરનો ત્રાસ ( stray cattle ) જોવા મળે છે. આવી જ એક ઘટના વલસાડમાં પણ જોવા મળી છે. જેના સીસીટીવી સામે આવ્યા છે. વલસાડના ઘડોઈ ફાટક પાસે ચાલતા જઈ રહેલા વૃદ્ધને રખડતા ઢોરે અડફેટે લેતા તેઓ હવામાં ફંગોળ્યા હતા. રાહદારીને રખડતા પશુએ અડફેટે લેતા તાત્કાલીક ધોરણે સ્થાનિકો મદદે દોડી આવ્યા હતા અને ઈજાગ્રસ્ત વૃદ્ધને નજીકની ખાનગી હોસ્પિટલમાં સારવાર માટે ખસેડયા હતા.

આ પણ વાંચો : Valsad : નગરપાલિકાના ટેક્સ વિભાગમાં ટેક્સ સુપ્રિટેન્ડટ અને RTI કાર્યકર્તા વચ્ચે ફાઈલ ફાડી નાખવા મુદ્દે ઝપાઝપી, ઘટનાનો Video Viral

આ સમગ્ર ઘટનાના સીસીટીવી સોશિયલ મીડિયા પર વાયરલ થઈ રહી છે. દિવસે દિવસે રખડતા ઢોરનો ત્રાસ વધતા લોકો દ્વારા રખડતા ઢોર પર અંકુશ લાવવાની માગ કરવામાં આવી છે. તો બીજી તરફ આ અગાઉ આવી જ એક ઘટના વડોદરામાં જોવા મળી છે. વડોદરામાં પણ રખડતા ઢોરે ન્યુ અલકાપુરી વિસ્તારના વૃદ્ધનું ઢોરની અડફેટે લેતા મોત થયુ હતુ.