અમદાવાદમાં માઈક્રો કન્ટેઇન્મેન્ટની સંખ્યા વધીને 11 થઈ, ત્રણ લોકો વિરુદ્ધ નિયમના ભંગ બદલ એફઆઇઆર દાખલ

અમદાવાદમાં(Ahmedabad)સતત કોરોનાના(Corona)કેસ વધી રહ્યા છે ત્યારે માઈક્રો કન્ટેઈન્મેન્ટ (Micro Containment ) ઝોનમાં પણ સતત વધારો કરાયો છે.

એએમસી દ્વારા શહેરના વધુ 2 વિસ્તારને માઈક્રો કન્ટેઈન્મેન્ટ ઝોનમાં મુકવામાં આવ્યા છે. ઇસનપુરના સદભાવ ફ્લેટના 9 ફ્લેટના 37 લોકોને માઈક્રો કન્ટેઇનમેન્ટ ઝોનમાં મુકાયા છે. આ સાથે આંબલીના અભિશ્રી બંગલોના 6 ઘરોના 38 લોકોને માઈક્રો કન્ટેઇન્મેન્ટ ઝોનમાં મુકાયા છે. શહેરમાં માઈક્રો કન્ટેઇન્મેન્ટ વિસ્તારની સંખ્યા વધીને 11 થઈ ગઈ છે..

ગુજરાતમાં અને તેમાં પણ ખાસ કરીને અમદાવાદમાં કોરોનાના કેસમાં સતત વધારો થઈ રહ્યો છે. જેમાં અમદાવાદમાં હોમ ક્વોરન્ટાઇન નિયમનો ભંગ કરનાર સામે એએમસીએ કાર્યવાહી કરી છે. ક્વોરન્ટાઇનના નિયમનો ભંગ કરનાર લોકો સામે FIR પણ કરાઈ છે. મણિનગરના યુવક સામે હોમ આઇસોલેશનના ભંગ બદલ ફરિયાદ નોંધાઈ છે.

આ યુવક અમેરિકાથી પરત આવ્યા બાદ કોરોના પોઝિટિવ આવતા હોમ આઇસોલેશનમાં મુકાયો હતો. ન્યુઝીલેન્ડથી આવેલી નિકોલની મહિલા સામે પણ હોમ આઇસોલેશનના ભંગની ફરિયાદ કરાઇ છે. આ સાથે જર્મનીથી આવેલા બોપલના નાગરિક સામે પણ એએમસીએ હોમ આઇસોલેશનના ભંગની ફરિયાદ કરી છે.

ગુજરાતમાં(Gujarat) 29 ડિસેમ્બરના રોજ નોંધાયેલા 548 કોરોનાના(Corona) કેસમાં સૌથી વધારે કેસ અમદાવાદ (Ahmedabad) શહેરમાં 265  કેસ નોંધાયા છે. જેમાં અમદાવાદ શહેર રાજયમાં કોરોનાનું હોટ સ્પોટ બની ગયું છે.

જેમાં  છેલ્લા આઠ દિવસમાં કોરોનાના 1303  જેટલા કેસ નોંધાયા છે.જેમાં 22 ડિસેમ્બરના રોજ અમદાવાદમાં 25 કેસ, 23 ડિસેમ્બરના રોજ 43, 24 ડિસેમ્બરના રોજ 32 25 ડિસેમ્બરના રોજ 62, 26 ડિસેમ્બરના રોજ 52, 27 ડિસેમ્બરના રોજ 98, 28 ડિસેમ્બરના રોજ 178, 29 ડિસેમ્બરના રોજ 265  કેસ નોંધાયા છે.

આ પણ વાંચો : ગ્રામ પંચાયતના સરપંચોને વેતન આપવા પૂર્વ સાંસદ પ્રભાતસિંહ ચૌહાણની માંગ 

આ પણ વાંચો : ગુજરાતમાં કોરોના બન્યો બેફામ, નવા 548 કેસ સાથે એક્ટીવ કેસ વધીને 1902 થયા, ઓમિક્રોનના નવા 19 કેસ