Sabarkantha : ગુજરાતમાં સારા વરસાદને (Rain) પગલે નદી-નાળા છલકાયા છે. મહેસાણાના (Mehsana) ધરોઈ ડેમમાં પાણીની આવકને પગલે સાબરકાંઠામાં એલર્ટ (Alert ) અપાયું છે. સાબરકાંઠાના ચાર તાલુકાના મામલતદારને એલર્ટ રહેવા સૂચના અપાઈ છે. જેમાં પ્રાંતિજ, હિંમતનગર, ઇડર, વડાલીનો સમાવેશ થાય છે. ચારેય તાલુકામાંથી સાબરમતી નદી પસાર થતી હોવાથી કાંઠાના ગામોમાં તલાટીઓ અને અધિકારીઓને એલર્ટ રહેવા સૂચના અપાઈ છે. જો ધરોઈ ડેમમાં પાણીની આવક વધે તો સાબરમતી નદીમાં પાણી છોડાઈ શકે છે. જેને પગલે આ એલર્ટ આપવામાં આવ્યું છે.