Narmada: ભારે વરસાદના પગલે ગરુડેશ્વરનો વિયર ડેમ થયો ઓવરફ્લો, જુઓ રમણિય નજારો

નર્મદા (Narmada) જિલ્લામાં ભારે વરસાદને પગલે જિલ્લામાં આવેલો 35 મીટર ઉંચો વિયર ડેમ ઓવરફ્લો થયો હતો અને વિયર (viyar Dam) ડેમના રમણિય નજારો જોવા મળ્યો હતો. વિયર ડેમ ઓવર ફ્લો થતા ગરૂડેશ્વર ખાતે નર્મદા નદી બે કાંઠે વહેતી જોવા મળી હતી. નોંધનીય છે કે નર્મદા જિલ્લામાં બારે મેઘ ખાંગા થયો હોય તેવી પરિસ્થિતિ ઉભી થઈ છે અને પૂરજોશમાં વરસાદ વરસ્યો છે.

ડેડિયાપાડામાં સૌથી વધુ 18 ઇંચ વરસાદ

ડેડીયાપાડા તાલુકામાં 18 ઇંચ વરસાદથી કોઝ વે અને રસ્તાઓ ધોવાયા છે. જ્યારે જિલ્લાનો કરજણ ડેમ ઓવરફ્લો થઈ ગયો છે. કરજણ નદી પરના 6 ગામોને એલર્ટ કરી દેવાયા છે. ડેડીયાપાડા અને સાગબારા સહિતના વિસ્તારોમાં ભારે વરસાદ અને ઉપરવાસમાંથી પાણીની આવક વધતાં ડેમની જળસપાટી રૂલ લેવલ વટાવી ગઈ છે. ભારે વરસાદના પગલે ગરુડેશ્વરનો વિયર ડેમ ઓવરફ્લો થયો છે. વિયર ડેમ ઓવરફલો થતાં ગરુડેશ્વર ખાતે નર્મદા નદી બે કાંઠે વહી રહી છે. નર્મદાજિલ્લામાં ભારે વરસાદને કારણે ડભોઈ-ચાંદોદ વચ્ચેનો રેલવે ટ્રેક ક્ષતિગ્રસ્ત થતાં આ તરફ જતો રેલ્વે વ્યવહાર ખોરવાયો છે અને તે તરફ જતા મુસાફરો મુશ્કેલીમાં મૂકાયા છે. છેલ્લા બે દિવસથી પડી રહેલા ભારે વરસાદને કારણે પશ્ચિમ રેલવેના વડોદરા ડિવિઝનના ડભોઈ-એકતા નગર રેલખંડ પરનો ટ્રેક ક્ષતિગ્રસ્ત થતાં રેલ વ્યવહાર પ્રભાવિત થયો છે. નોંધનીય છે કે બે દિવસથી છોટા ઉદેપુર તેમજ નર્મદા જિલ્લાને મેઘરાજા ઘમરોળી રહ્યા છે.ત્યારે જનજીવન અસતવ્યસ્ત થઈ ગયું છે અને અનેક લોકોની ઘરવખરી ડૂબમાં ગઈ છે.

વરસાદને પગલે આ ટ્રેનસેવાઓ થઈ છે રદ

બોડેલી- છોટા ઉદેપુર- ચાંદોદ વિસ્તારમાં ભારે વરસાદને કારણે ડભોઈ – એકતા નગર રેલખંડપર ચાંદોદ નજીક રેલ્વે ક્રોસીંગ નંબર 4 પાસે રેલ્વે ટ્રેકને નુકસાન થવાથી અને રેલ્વેના પાટા નીચેથી માટી ધોવાઈ જવાને કારણે આ રેલ્વેલાઇન ઉપર દોડતી ટ્રેનોને અસર થઈ છે