CCTV Video : મોરબીમાં મહિલા વકીલની કારને આગચંપી, પાડોશી યુવક સામે ફરિયાદ

મોરબીની અનુપમ સોસાયટીમાં એક ચોંકાવનારી ઘટના સામે આવી છે, જ્યાં મહિલા વકીલની પાર્ક કરેલી કારને આગ લગાડવામાં આવી હતી. આ મામલે પોલીસે કાર્યવાહી કરતા પાડોશી યુવક શિખર ગોહેલ વિરુદ્ધ પોલીસ ફરિયાદ નોંધી છે. પ્રાથમિક તપાસમાં સામે આવ્યું છે કે, શિખર ગોહેલ નામના યુવકે કારને આગ ચાંપી હતી.

આ બનાવ રવાપર રોડ પર આવેલી અનુપમ સોસાયટીમાં બન્યો હતો. ઘટનાની જાણ થતાં જ પોલીસે ગુનો નોંધીને તપાસ હાથ ધરી છે. પોલીસ દ્વારા આ ઘટનાના CCTV ફૂટેજ સહિતના પુરાવાઓ એકત્રિત કરવામાં આવી રહ્યા છે. CCTV ફૂટેજ પોલીસની તપાસમાં મહત્ત્વનો ભાગ ભજવી રહ્યા છે.

મહિલા વકીલની કારને આગ લગાવવાના આ બનાવને પગલે સમગ્ર વિસ્તારમાં ભારે ચર્ચા જાગી છે. પોલીસે આ મામલે સઘન તપાસ શરૂ કરી છે અને ઘટના પાછળનું સાચું કારણ તેમજ જવાબદારી અંગેની વધુ વિગતો ટૂંક સમયમાં સામે આવી શકે છે.

ગુજરાતમાં ત્રણ દિવસ હળવા વરસાદનો વરતારો, કયા જિલ્લાઓમાં પડશે વરસાદ? જુઓ Video