Morbi: ખેડૂત સંમેલનમાં ધારાસભ્યના ભાઈ ભૂલ્યા ભાન, કાળુ અમૃતિયાએ મંત્રી અને કલેક્ટરને અપશબ્દો કહી આપી ધમકી- Video

મોરબીના જેતપરમાં છેલ્લા 20 દિવસથી ખેડૂતો પાવરગ્રીડ કંપનીની મનમાની સામે આંદોલન કરી રહ્યા છે. ખેડૂતો તેમના ખેતરોમાં નખાતા થાંભલાઓ સામે વળતરની માગ પર અડગ છે અને આંદોલન છાવણીમાં ઉપવાસ આંદોલન કરી રહ્યા છે. રાજ્યભરમાંથી ખેડૂતોને સમર્થન મળી રહ્યુ છે ત્યારે હવે ધારાસભ્ય કાંતિ અમૃતિયાના ભાઈ કાળુ અમૃતિયાએ ત્યાં પહોંચ્યા અને તેમણે એના નિવેદનો કર્યા કે તેનાથી વિવાદ સર્જાયો છે.

મોરબીના જેતપરમાં જ્યાં ખેડૂતો ઉપવાસ આંદોલન કરી રહ્યા છે ત્યા ધારાસભ્ય કાંતિ અમૃતિયાના ભાઈ કાળુ અમૃતિયા પહોંચ્યા. ખેડૂતોના સમર્થનમાં કાળુ અમૃતિયાએ કેટલીક વાતો કરી પરંતુ આ તકે તેમને ના તો વિવેક ભાન રહ્યુ ના તો તેઓ શું બોલે છે તે ભાષાનું ભાન રહેવુ અને મંત્રીઓ તેમજ કલેક્ટર સહિતનાને અપશબ્દો બોલી ગયા. તેમણે ધમકીના સૂરમાં કહ્યુ કે હવે ધારાસભ્યો અને મંત્રીઓના ઝભ્ભા ફાડી નાખવાના છે. જો ખેડૂતોને વળતર પૂરુ ન મળે તો જે મંત્રીઓ લાલ ગાડીમાં ફરે છે તેમને 108માં મોકલવાના છે.

આટલે થી ન અટક્તા કાળુ અમૃતિયા એ કલેક્ટરને પણ મંચ પરથી અપશબ્દો કહ્યા અને ધમકી આપી કે કલેક્ટરે જે ઝવેરીને થાંભલા નાખવાનો ઓર્ડર આપ્યો હતો એ કલેક્ટરને ઉપાડી લાવી અહીં થાંભલે બાંધવા છે. ખેડૂત આંદોલન છાવણીમાં ઉપવાસ પર બેસેલા કાળુ અમૃતિયાના નિવેદનથી વિવાદ સર્જાયો છે. તેમણે કહ્યુ હવે ખેડૂતોએ ભૂખે નથી મરવાનું તેમને મારવાના છે. આ તકે તેમણે ધમકી પણ આપી કે થાંભલા કાઢવા માટે પણ ગામમાં કોઈને પ્રવેશવા દેશે નહીં.

ટેક્સટાઇલ સેક્ટરમાં તેજીનું તોફાન, યુકે સાથેની ઐતિહાસિક ડીલ થી ભારતીય કાપડ ઉદ્યોગની ચાંદી જ ચાંદી