ગાંધીધામ કંડલા હાઈવે ઉપર ટ્રેલરમાં ભીષણ આગ, હાઈવે પર ટ્રાફિકજામ, જુઓ Video
કચ્છના ગાંધીધામના કંડલા હાઈવે ઉપર ટ્રેલરમાં ભીષણ આગ લાગવાની ઘટના બની છે. આગના બનાવથી અફરાતફરી મચી છે. ટ્રેલરની કેબીનમાં કોઈ અગમ્ય કારણોસર આગ લાગી હતી.
ગુજરાતમાં અવારનવાર આગ લાગવાની ઘટના સામે આવતી હોય છે. ત્યારે કચ્છના ગાંધીધામના કંડલા હાઈવે ઉપર ટ્રેલરમાં ભીષણ આગ લાગવાની ઘટના બની છે. આગના બનાવથી અફરાતફરી મચી છે. ટ્રેલરની કેબીનમાં કોઈ અગમ્ય કારણોસર આગ લાગી હતી. ફાયર ફાયટરની ટીમનો ઘટના સ્થળે પહોંચવામાં વિલંબ થયો હતો. ભયંકર આગને કારણે હાઈવે પર ટ્રાફિકજામ થયો હતો. આજે વહેલી સવારે આગના બનાવથી વાહનોની લાંબી કતારો જોવા મળી હતી.
વાપીમાં આવેલી પ્લાસ્ટિકની કંપનીમાં લાગી હતી આગ
બીજી તરફ વલસાડના વાપીનાં ડુગરામાં આવેલી એક પ્લાસ્ટિકની ફેકટરીમાં આગ લાગી હતી. કંપનીમાં આગ લાગતા જ ધુમાડાના ગોટે ગોટા દૂર સુધી જોવા મળ્યા હતા. આગ લાગતા અફરાતફરીનો માહોલ સર્જાઇ ગયો હતો. જો કે જીમિત પ્લાસ્ટિક પ્રોડકટ નામની કંપનીમાં અચાનક આગ લાગતા આસપાસના વિસ્તારોમાં ભયનો માહોલ પણ જોવા મળ્યો હતો. આગે વિકરાળ રુપ ધારણ કરતા મેજર કોલ પણ જાહેર કરવામાં આવ્યો હતો.
