અમદાવાદ શહેરના વસ્ત્રાલ વિસ્તારમાં આવેલી એકલવ્ય શાળાના વિદ્યાર્થીઓને ન્યૂડ વીડિયો બતાવ્યા હોવાનો ગંભીર આક્ષેપ લાગ્યો છે. શાળાના કરાટે શિક્ષકે વિદ્યાર્થીઓને ન્યૂડ વીડિયો દર્શાવ્યા હોવાનો વાલીઓએ આક્ષેપ કર્યો હતો. આ ગંભીર મામલાને લઈ વાલીઓ મોટી સંખ્યામાં શાળા પર પહોંચ્યા હતા અને રોષ ઠાલવ્યો હતો.
વાલીઓના મોટા ટોળા એકઠા થવાને લઈ પોલીસ પણ સ્થળ દોડી આવી હતી. જ્યાં પોલીસ સમક્ષ પણ વાલીઓએ ધોરણ 5 માં અભ્યાસ કરતા પોતાના બાળકોને શિક્ષકે ન્યૂડ વીડિયો બતાવ્યા હોવાના આક્ષેપ સાથે રજૂઆત કરી હતી. આ ગંભીર મામલાને લઈ શાળા વિવાદમાં આવી છે અને તપાસની માંગ સાથે શિક્ષક સામે કાર્યવાહી કરવા રજૂઆત કરવામાં આવી છે.