કચ્છના પ્રસિદ્ધ કબરાઉ મોગલધામના મહંત ચારણ ઋષિએ ધોકાની પરંપરાને ન માનવા લોકોને કરી અપીલ, કહ્યુ આ ખોટી માન્યતા

કચ્છના કબરાઉ મોગલધામના મહંત ચારણ ઋષિ મહારાજે દિવાળીના તહેવારને લઈને મહત્વની અપીલ કરી છે. તેમણે ધોકાના દિવસોની માન્યતા ન રાખવા અને આવી ખોટી માન્યતાઓથી દૂર રહેવા લોકોને અપીલ કરી છે. મહારાજે જણાવ્યું કે ધોકાના દિવસોની માન્યતા સનાતન ધર્મમાં ભાગલા પાડવાનું કામ કરે છે. સનાતન ધર્મમાં આવી માન્યતાઓને કોઈ સ્થાન ન હોવું જોઈએ. તેમણે પંચાંગ અને ઋષિમુનિઓનાં વચનો અનુસાર તહેવારોની ઉજવણી કરવા તેમજ એક જ દિવસે બે તહેવાર આવતા હોય તો બંને તહેવારો સાથે ઉજવવાની અપીલ કરી છે.

તેમણે દિવાળી પછી તુરંત બેસતુ વર્ષ ઉજવવા અપીલ કરી છે. તેમણે કહ્યુ ધોકાને માનવો ન જોઈએ અને તિથિ પ્રમાણે તુરંત તહેવારોની ઉજવણી કરવી જોઈએ. આ સાથે તેમણે દિવાળી પછી તુરંત સોમવારે નવુ વર્ષ ઉજવવા લોકોને અપીલ કરી છે. તેમણે કહ્યુ આ ધોકાની માન્યતા છેલ્લા 35 વર્ષથી ઘર કરી ગઈ છે. તેને કાઢી નાખવી જોઈએ. આવી કોઈ પરંપરા સનાતનમાં છે જ નહીં. તેમણે કહ્યુ હું કોઈ ધોકાને માનતો નથી. કારણ કે દિવસ એક જ હોય, તેમા ખાલી ને ભરેલા જેવુ કંઈ ન હોય.

Input Credit- Nitin Garava- Kutchh

સનાતન સંસ્કૃતિમાં ધનતેરસના તહેવાર સાથે જોડાયેલી પૌરાણિક માન્યતાઓ અને તેની સાથે જોડાયેલી અમર કથાઓ વિશે જાણો