રાજ્યમાં અવારનવાર શ્વાનનો આતંક જોવા મળે છે. તેમજ શ્વાને બાળકોને બચકાં ભર્યો હોવાની અનેક ઘટનાઓ સામે આવતી હોય છે. ત્યારે જામનગરની જી. જી. હોસ્પિટલમાં અનેક વખત શ્વાન અને રખડતા ઢોર આવી ચડતા હોવાની ઘટના જોવા મળી છે. જેના પગલે દર્દીઓને હાલાકી પડતી હોય છે.
રખડતો આતંક હોસ્પિટલ સુધી પહોંચતા હોસ્પિટલની સિક્યોરિટીને લઇને પણ સવાલ ઉઠી રહ્યાં હતા. ત્યારે હવે એક સપ્તાહ બાદ હોસ્પિટલનું તંત્ર હરકતમાં આવ્યું છે. હોસ્પિટલની આસપાસના વિસ્તારમાં આવેલા શ્વાનને પકડવાની કામગીરી કરવામાં આવી છે. આ સાથે જ શ્વાનને પકડીને તેનું ખસીકરણ કરવામાં આવ્યું છે. મનપાની ટીમની મદદથી શ્વાનને પકડવામાં આવ્યા અને તેને પકડી તેનું ખસીકરણ કરાશે.