સુરતમાં છેલ્લા કેટલાક દિવસોથી આઈટી વિભાગ ફૂલ એક્શન મોડમાં જોવા મળી રહ્યું છે. લક્ષ્મી ગ્રુપ અને શહેરના બીજા મોટા માથાઓ પર દરોડા પાડ્યા બાદ હવે આઈટી વિભાગની ટીમે તપાસનો ધમધમાટ યથાવત રાખતા શહેરના મીરીખ અને ઓપેરા ગ્રુપ પર ITના દરોડા પાડવામાં આવ્યા છે. 20થી વધુ સ્થળ પર આવકવેરા વિભાગની ટીમ પહોંચી છે.વસંત ગજેરા એન્ડ કંપનીની તપાસમાં જમીનના સોદામાં સંડોવાયેલાઓને ત્યાં તપાસ શરુ છે,80 અધિકારી-કર્મચારીઓની ટીમ દરોડાની કાર્યવાહી કરી રહી છે. જેમાં મોટી કરચોરીનો પર્દાફાશ થવાની શક્યતા રહેલી છે.
સુરતમાં ફરી IT વિભાગના દરોડા પડ્યા છે. ત્યારે સુરતમાં પણ ખોટી રીતે TDS અને કર માફીના લાભ મામલે ITએ સપાટો બોલાવ્યો છે. આટલું જ નહી IT રિટર્નમાં ખોટી માહિતી આપીને ક્લેઈમ કરનારાઓ પર તવાઈ બોલાવામાં આવી છે. કોમ્પ્યુટર અને અન્ય દસ્તાવેજોની પણ ચકાસણી શરૂ કરાઇ હતી.લક્ષ્મી ગ્રુપ અને શહેરના બીજા મોટા માથાઓ પર દરોડા પાડ્યા બાદ અડાજણ વિસ્તારના જાણીતા ફાઈનાન્સર બ્રિજેશ ખીમાણી ઉર્ફે મુન્ના ઓલપાડીની પાલ સ્થિત ઓફિસ અને રહેણાંક સ્થળોએ સતત બે દિવસ સુધી સઘન તપાસ હાથ ધરવામાં આવી હતી. હવે મીરીખ અને ઓપેરા ગ્રુપ પર ITના દરોડા પાડવામાં આવ્યા છે.
