રાજકોટની બજારોમાં દિવાળીની રોનક, ખરીદી માટે ઉમટ્યુ માનવ મહેરામણ

દિવાળીના તહેવારને પગલે રાજકોટ (Rajkot)માં લોકો ઉત્સાહભેર ખરીદી કરતા જોવા મળ્યા. બજારોમાં દિવાળી (Diwali)ના તહેવારને લઈને ભારે ભીડ જોવા મળી રહી છે. રાજકોટની દરેક બજારોમાં ગ્રાહકો ખરીદી કરવા માટે ઉમટી પડ્યા છે. બજારોમાં પગ મુકવાની જગ્યા નથી એટલી ભીડ જોવા મળી રહી છે. મોટી સંખ્યામાં લોકો ખરીદી કરવા માટે ઉમટી પડ્યા છે. શહેરના ધર્મેન્દ્ર રોડ, ગુંદા વાડી અને પરા બજાર સહિતના વિસ્તારોમાં માનવ મહેરામણ ઉમટી પડ્યુ છે. લોકોના ચહેરા પર તહેવારની ખરીદી (Shopping)નો ઉત્સાહ જોવા મળ્યો.

ગ્રાહકોના જણાવ્યા મુજબ ખરીદીમાં ભારે ભીડ જોવા મળી રહી છે અને અતિશય ગરમાગરમી અને ભીડનો માહોલ છે. આ વર્ષે કોરોનાની કોઈ રોકટોક અને ભીડ ન હોવાથી ગ્રાહકો મોકળા મને ખરીદી કરતા નજરે પડી રહ્યા છે. આ ભીડને જોતા કોરોનાના બે વર્ષ દરમિયાન જાણે કોઈએ કંઈ ખરીદી ન કરી હોય એ પ્રકારે ખરીદી માટે માનવ મહેરામણ ઉમટી પડ્યુ છે. જો કે આ વખતે દરેક વસ્તુમાં થોડાઘણા ભાવ પણ વધ્યા છે. છતા ખરીદીમાં કોઈ ઓટ જોવા મળી નથી. મોંઘવારી હોવા છતા લોકો છૂટથી ખરીદી કરતા જોવા મળ્યા છે.

કોરોના ગયાના બે વર્ષ બાદ આ પ્રકારે બજારોમાં તેજી જોવા મળી છે. જેને લઈને વેપારીઓ પણ ખુશી વ્યક્ત કરી રહ્યા છે અને સારા વેપારની આશા સેવી રહ્યા છે. ઘરોમાં સાજ સજાવટની વસ્તુઓ હોય કે કપડાની ખરીદી હોય લોકોનો ભારે ધસારો જોવા મળી રહ્યો છે.