રાજયના હવામાનમાં ભારે પલટો આવ્યો હતો, તેની અસર સાંજ પછી અમદાવાદમાં પણ જોવા મળી હતી. આજે હોળીના તહેવારમાં સાંજથી પવન ફૂંકાતા ધુળની ડમરી ઉડી હતી અને ત્યાર બાદ વિવિધ વિસ્તારોમાં વરસાદ વરસ્યો હતો. જોકે આજે હોળીનો તહેવાર હોવાથી સંધ્યાકાળે હોળી પ્રાગ્ટય પણ કરવામાં આવ્યું હતું.
જોકે આવા સમયે વરસાદ પણ વરસ્યો હતો અને લોકો મુશ્કેલીમાં મૂકાયા હતા. જોકે તેમ છતાં લોકોએ વરસાદ વચ્ચે પણ આસ્થાભેર પૂજન કર્યું હતું. શહેરમાં જોધપુર, સેટેલાઈટ, શાહીબાગ, ગોતા અને બોપલ સહિતના વિસ્તારમાં વરસાદ થયો હતો. જોકે ભારે વરસાદ વચ્ચે પણ હોલિકાદહન થયું હતું.
ગુજરાતના વાતાવરણમાં પલટો આવ્યો છે ત્યારે આજે હોળી પ્રાગ્ટયના સમયે અમદાવાદમાં પણ ભારે પવન ફૂંકાયા બાદ વરસાદ પડ્યો હતો. વરસાદ પહેલા વિવિધ વિસ્તારમાં ઘૂળની ડમરીઓ ઉડી હતી અને ત્યાર બાદ વરસાદ વરસ્યો હતો. શહેરના બોપલ, વેજલપુર, જોધપુર, વાસણા સહિતના વિસ્તારમાં વરસાદ થયો હતો અને પવન ફૂંકાયો હતો.
ગુજરાતમાં વરસાદી ઝાપટાઓ વચ્ચે હોળી પર્વની રંગેચંગે ઉજવણી કરવામાં આવી. સુરતમાં ગાયના છાણમાંથી 60 ટન ગૌ-કાષ્ટની હોળીનું પ્રાગ્ટ્ય કરવામાં આવ્યું હતું. હોલિકા દહન સમયે લાકડાની જગ્યાએ વૈદિક હોળી ઉજવવામાં આવી.પાંજરાપોળમાં રહેતી 10 હજાર જેટલી ગાયના છાણમાંથી 60 હજાર કિલો ગૌ-કાસ્ટ ખાસ મશીનથી તૈયાર કરાયું હતું. તો અમદાવાદ અને વડોદરામાં શ્રદ્ધાળુઓએ હોળીની પરંપરાગત પદ્ધતિથી પૂજા-અર્ચના કરી હતી. રાજકોટના પ્રાચીન પંચનાથ મંદિરમાં વરસાદી છાંટા વચ્ચે હોલિકા દહન કરાયું હતું. અહીં મોટી સંખ્યામાં શ્રદ્ધાળુઓએ હોળીના દર્શન કર્યા હતા.
ગુજરાતના વાતાવરણમાં છેલ્લા ત્રણ દિવસથી પલટો આવ્યો છે ત્યારે અમરેલી જિલ્લામાં સતત 3 દિવસથી થઈ રહેલા વરસાદને પગલે બોરડી ગામની શેત્રુંજી નદીમાં પાણી આવ્યું હતું. શેત્રુંજી નદીમાં પાણી આવતા ગ્રામજનો એકઠા થઈ ગયા હતા. અમરેલી જિલ્લાના અનેક વિસ્તારમાં ધોધમાર વરસાદ થયો છે.
Published On - 9:43 pm, Mon, 6 March 23