Gujarati Video: ભાવનગરના અલંગમાં ભંગાવવા માટે આવ્યુ વિવાદાસ્પદ જહાજ અગસ્તા-2, સુરક્ષા એજન્સી દરેક હિલચાલ પર રાખી રહી છે નજર
Bhavnagar: શિપ બ્રેકિંગના હબ ગણાતા અલંગમાં એક વિવાદાસ્પદ જહાજ ભંગાવા માટે આવ્યુ છે. આ જહાજ આવતા જ સુરક્ષા એજન્સીઓ સતર્ક બની ગઈ છે અને દરેક હિલચાલ પર નજર રાખી છે. અગાઉ પાકિસ્તાન અને બાંગ્લાદેશ જેવા દેશો પણ આ જહાજને ખરીદવાનો ઈનકાર કરી ચુક્યા છે.
ભાવનગરના અલંગમાં વિવાદાસ્પદ જહાજ અગસ્તા-2 આવતા સુરક્ષા એજન્સી સતર્ક બની છે. પાકિસ્તાન અને બાંગ્લાદેશે નકારેલા જહાજ અગસ્તા-2 ભંગાવવા માટે અલંગ આવ્યું છે. જેથી સુરક્ષા એજન્સી દરેક હીલચાલ પર નજર રાખી રહી છે. ગુપ્તચર એજન્સીઓ અગસ્તા-2નું ચેકિંગ કરશે ત્યારબાદ જહાજને ભાંગવામાં આવશે. મહત્વનું છે કે અલંગમાં પહોંચેલું અગસ્તા ટુ જહાજ અનેક વિવાદોથી ઘેરાયેલું છે.
અગાઉ હથિયારોની તસ્કરીમાં આ જહાજ સંડોવાયેલું હોવાની ચર્ચા હતી. જેથી છેલ્લા એક વર્ષથી અગસ્તા ટુ જહાજ નિષ્ક્રિય હતું. એટલું જ નહીં અગસ્તા 2 ને પાકિસ્તાન અને બાંગ્લાદેશે પણ ખરીદવાનો ઇનકાર કર્યો હતો.
આ પણ વાંચો: ભાવનગરમાં છરીની અણીએ બિલ્ડર પાસેથી 50 લાખની ખંડણીની ઘટના આવી સામે, પોલીસે 4 આરોપીને ઝડપી પાડ્યા
183 મીટર લાંબુ અને 32 મીટર પહોળા અગસ્તા-2 જહાજને પાકિસ્તાન અને બાંગ્લાદેશમાં પણ વેચવા માટે દુબઈના તાહિર લાખાણીએ ઘણી કોશિષ કરી હતી. પરંતુ નિયમોની દૃષ્ટિએ સાવ કંગાળ એવુ પાકિસ્તાન અને બાંગ્લાદેશે પણ અગસ્તા-2 જહાજને પોતાના દેશમાં પ્રવેશવા દીધુ ન હતુ. આ જહાજને વેચવાના અત્યાર સુધીના તમામ પ્રયાસો નિષ્ફળ રહ્યા છે. 6 મહિના પહેલા અલંગ શિપ રિસાઈકલિંગ યાર્ડમાં પણ વેચવાની પેરવી કરાઈ હતી. જો કે તે પણ નિષ્ફળ રહી હતી. છેલ્લા એક વર્ષમાં અગસ્તા-2 જહાજ વેચવાના અથાગ પ્રયાસો બાદ પણ સફળતા મળી નથી.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
ગુજરાતના તમામ જિલ્લાના સમાચાર વાંચવા માટે જોડાયેલા રહો…
