Gujarati Video : પંચમહાલના કાલોલ નગરપાલિકામાં ચીફ ઓફિસર અને સભ્યો વચ્ચે વાકયુદ્ધનો VIDEO VIRAL
નવાપુરા વિસ્તારમાં પેવર બ્લોકના કામોને લઈ ચીફ ઓફિસર હિરલ ઠાકર અને સભ્યો વચ્ચે શાબ્દિક બોલાચાલી થઈ હોવાની ઘટના સામે આવી છે.
પંચમહાલના કાલોલ નગરપાલિકામાં ચીફ ઓફિસર અને સભ્યો વચ્ચે તુ તું મેં મેં જોવા મળી હતી. નવાપુરા વિસ્તારમાં પેવર બ્લોકના કામોને લઈ ચીફ ઓફિસર હિરલ ઠાકર અને સભ્યો વચ્ચે શાબ્દિક બોલાચાલી થઈ હોવાની ઘટના સામે આવી છે. પેવર બ્લોકના કામોને લઈ રજૂઆત કરવા પહોંચેલા સભ્યો અને ચીફ ઓફિસર વચ્ચે શાબ્દિક બોલાચાલી થઈ હતી. છેલ્લા બે મહિનાથી કોન્ટ્રાકટરો નવાપુરામાં બ્લોક નાખવા ન આવતા હોવાનો સભ્યોએ આરોપ લગાવ્યો છે.
ચીફ ઓફિસરે સભ્યોના આરોપને ફગાવતા કહ્યું કે સભ્યોને પોતાના ઘર આસપાસે વધારાના બ્લોક નખાવવા છે. જે ટેન્ડરના માપ મુજબ આવતા નથી. તેમજ સ્વભંડોળ ના અભાવના કારણે બ્લોકનું કામ થઈ શકયું નથી. તો બીજી તરફ કેટલાક સભ્યો કોન્ટ્રાકટરો સાથે બિભત્સ વર્તન કરતા હોવાનો ચીફ ઓફિસરે આરોપ લગાવ્યો હતો.
આ અગાઉ દાહોદના ગરબાડા કોંગ્રેસના MLA ચંદ્રિકા બારીયાની સ્થાનિક સાથે બોલાચાલી થઈ હતી. ધારાસભ્યના શાળામાં ઓરડાની કામગીરી કર્યાના નિવેદન પર સ્થાનિકોમાં આક્રોશ ફેલાયો હતો. અને સ્થાનિકો અને કોંગ્રેસના MLA ચંદ્રિકા બારીયા વચ્ચે વાકયુદ્ધ છેડાયું હતું.
