Gujarati Video : ગીર ગઢડાના ગીર નજીકના ગામોમાં ભારે પવન સાથે વરસાદ, ઝાંખીયા, થોરડી, બાબરીયા સહિતના ગામોમાં વરસાદ
ગીર સોમનાથ (Gir Somnath) જિલ્લાના ગીર ગઢડાના ગીર નજીકના ગામોમાં કમોસમી વરસાદ વરસ્યો છે. ભારે પવન સાથે કમોસમી વરસાદ વરસતા રસ્તાઓ પર પાણી ફરી વળ્યા છે.
હવામાન વિભાગની આગાહી અનુસાર ગુજરાતના કેટલાક વિસ્તારમાં કમોસમી વરસાદ વરસી રહ્યો છે. ગીર સોમનાથ જિલ્લાના ગીર ગઢડાના ગીર નજીકના ગામોમાં કમોસમી વરસાદ વરસ્યો છે. ભારે પવન સાથે કમોસમી વરસાદ વરસતા રસ્તાઓ પર પાણી ફરી વળ્યા છે. ગીર સોમનાથ જિલ્લામાં ઝાંખીયા, થોરડી, બાબરીયા સહિતના ગીરના ગામોમાં કમોસમી વરસાદ વરસ્યો છે. કમોસમી વરસાદથી ગીરના ખેડૂતો ચિંતામાં મુકાયા છે. ખેડૂતોને વ્યાપક નુકસાનની શક્યતા સેવાઇ રહી છે. કેસર કેરી, કઠોળ સહિતના પાકોને નુકસાન પહોંચ્યુ છે.
આ પણ વાંચો- અમદાવાદમાં સાયન્સ સિટી વિસ્તારમાં અસામાજિક તત્વોનો આતંક, સુકન મોલમાં વેપારીને માર માર્યો, જુઓ Video
કમોસમી વરસાદની આગાહી
ગુજરાતમાં ભર ઉનાળે ધોધમાર વરસાદ થવાની આગાહી હવામાન વિભાગે કરી છે. આકરી ગરમી વચ્ચે પણ કમોસમી વરસાદ થવાની શક્યતા છે. રાજ્યમાં આવતીકાલથી બે દિવસ કમોસમી વરસાદની આગાહી કરવામાં આવી છે. હવામાન વિભાગે આપેલી માહિતી અનુસાર દક્ષિણ ગુજરાત અને સૌરાષ્ટ્રના કેટલાક વિસ્તારમાં વરસાદ પડશે. 26 એપ્રિલે અમદાવાદમાં વરસાદ પડવાની આગાહી કરવામાં આવી છે.
હવામાન વિભાગે કરેલી આગાહી અનુસાર આગામી દિવસોમાં દક્ષિણ ગુજરાતમાં ગાજવીજ સાથે કમોસમી વરસાદની આગાહી કરવામાં આવી છે. 26 એપ્રિલે અમદાવાદમાં પણ વરસાદ પડી શકે છે. વેસ્ટર્ન ડિસ્ટર્બન્સના કારણે ગુજરાતમાં કમોસમી વરસાદ વરસવાની આગાહી કરવામાં આવી છે. તો બીજી તરફ વરસાદની શક્યતા વચ્ચે અમદાવાદમાં બે દિવસ યલો એલર્ટ પણ આપવામાં આવ્યુ છે.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
ગુજરાતના તમામ જિલ્લાના સમાચાર વાંચવા માટે જોડાયેલા રહો…