Gujarati Video : મહેસાણાના ચાંદરડા ગામે જૂથ અથડામણ, 1 યુવકનું મોત Videoમાં જાણો શું હતી ઘટના
એક જ કોમના બે જૂથ વચ્ચે ઘાતક હથિયારો વડે હુમલો થયો હતો. જેમાં એક યુવકનું મોત થયું છે. ઘટનાની જાણ થતા પોલીસ તાત્કાલીક ધોરણે ઘટના સ્થળે પહોંચીને મૃતદેહને પીએમ માટે મહેસાણા સિવિલ હોસ્પિટલ ખસેડાયો હતો અને વધુ તપાસ હાથ ધરી છે.
રાજ્યભરમાં સતત ક્રાઈમની ઘટનાઓ બની રહી છે. તેવામા વધુ એક ક્રાઈમની ઘટના સામે આવી છે. મહેસાણાના નંદાસણ પાસેના ચાંદરડા ગામે યુવકની હત્યા હોવાનું સામે આવી રહ્યું છે. જ્યાં એક જ કોમના બે જૂથ વચ્ચે મારામારીમાં થઈ હતી. એક જ કોમના બે જૂથ વચ્ચે ઘાતક હથિયારો વડે હુમલો થયો હતો. જેમાં એક યુવકનું મોત થયું છે. ઘટનાની જાણ થતા પોલીસ તાત્કાલીક ધોરણે ઘટના સ્થળે પહોચીને મૃતદેહને પીએમ માટે મહેસાણા સિવિલ હોસ્પિટલ ખસેડાયો હતો અને પોલીસે વધુ તપાસ હાથ ધરી છે. પરંતુ, હજી જૂથ અથડામણનું કારણ અકબંધ છે.
થોડા દિવસ અગાઉ અમરેલીના રાજુલા તાલુકાના કડિયાળી ગામે નજીવી બાબતે જૂથ અથડામણની ઘટના સામે આવી હતી. સામાન્ય બોલાચાલી બાદ મામલો ઉગ્ર બનતા બે જૂથ સામસામે આવી ગયા હતા. બે જૂથ વચ્ચે બબાલ થતા વાહનોમાં તોડફોડ કરાઇ હતી. હિંસક બબાલમાં બે વ્યક્તિઓને સામાન્ય ઈજા પહોંચી હતી. પોલીસે બંન્ને જૂથના ચાર-ચાર લોકોને ઝડપી સ્થિતિ પર કાબૂ મેળવ્યો હતો. આ સાથે કાયદો-વ્યવસ્થાની સ્થિતિ જાળવવા ગામમાં પોલીસનો ચુસ્ત બંદોબસ્ત પણ ગોઠવી દીધો હતો.
