Gujarati Video: મહીસાગરમાં વરસાદી પાણીમાં 2 યુવકોના મોત, ડીપ પાસ કરતા તણાયા યુવકો

Mahisagar: મહીસાગરમાં ભારે વરસાદ બાદ પૂરની સ્થિતિ બનેલી છે. આ દરમિયાન વરસાદી પાણીમાં તણાવાથી 2 યુવકોના મોત થયા છે. વીરપુરના વક્તાપુર ગામે ગેસનો બાટલો લેવા જતા સમયે બે ભાઈઓ તણાયા હતા. વીરપુર સાઠંબા રોડ પર ડીપ પાસ કરતા યુવકો તણાયા હતા. પૂરના પાણીનો પ્રવાહ એટલો તેજ હતો કે બંને યુવકો તેની સામે ટકી શક્યા ન હતી પાણીની સાથે તણાવા લાગ્યા હતા.

આ પણ વાંચો : Vadodara: મેયર વિરુદ્ધ પત્રિકા ફરતી કરનાર આરોપીઓ જામીન મુક્ત, ભાજપના કાર્યકર આરોપીને કરાયો સસ્પેન્ડ

બંને  ભાઈઓના મૃતદેહો બહાર કાઢવામાં આવ્યા

આસપાસના સ્થાનિકોએ યુવકોને બચાવવાનો પ્રયાસ કર્યો હતો. જો કે યુવકોને બચાવી શકાયા ન હતા. બંને યુવકોના મૃતદેહો બહાર કાઢી લેવામાં આવ્યા છે. વીરપુરમાં પડેલા ભારે વરસાદથી કોતરમાં પાણી આવતા આ દુર્ઘટના સર્જાઈ હતી.બંને આશાસ્પદ યુવકોના ડૂબવાથી મોત થતા નીપજ્યા હતા. ત્યારે સમગ્ર પંથકમાં શોકનું મોજુ ફરી વળ્યુ છે.

Input Credit- Pritesh Panchal- Mahisagar

મહીસાગર  સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો