સુરેન્દ્રનગરના લીંબડીનું નાની કઠેચી ગામ પાણીમાં ગરકાવ, લોકો હોડીમાં અવરજવર કરવા મજબુર- Video

સુરેન્દ્રનગરમાં છેલ્લા બે દિવસમાં વરસેલા વરસાદ બાદ ઠેરઠેરથી હાલાકીના દૃશ્યો સામે આવ્યા છે. લીંબડી તાલુકામાં વરસાદે વિરામ લીધા બાદ પણ પાણી ન ઓસરતા કઠેચી ગામના લોકો ગામમાં હોડી લઈને અવરજવર કરવા માટે મજબુર બન્યા છે. ન માત્ર ગામમાં પરંતુ ગામના 400 ઘરોમાં પણ પાણી ભરાયેલા છે અને લોકોની હાલાકીની કોઈ સીમા નથી. વરસાદે વિરામ લીધા બાદ પણ પાણી ન ઓસરતા લોકોની મુશ્કેલી ઓછી થવાનું નામ નથી લઈ રહી. ગામ લોકો વરસાદી પાણીનો નિકાલ નહિ થતા હ હોડકા લઇ પોતાના કામકાજ માટે જતા જોવા મળ્યા હતા.

ગામમાં છાતીસમા પાણી ભરાયેલા હોવાથી લોકો નજરકેદ બન્યા છે. ક્યાંય બહાર પણ જઈ શક્તા નથી. રોજબરોજની ચીજવસ્તુ પણ ન મળતા ગામલોકો પારાવાર હાલાકી વેઠી રહ્યા છે અને તંત્ર દ્વારા પણ ગામમાં કોઈ મદદ પહોંચી નથી ત્યારે ગામલોકો હાલ ભગવાન ભરોસે જીવવા મજબુર બન્યા છે.

Breaking News: CWG 2026માં મીરાબાઈ ચાનુની ગોલ્ડન શરૂઆત, ભારતને અપાવ્યો પ્રથમ ગોલ્ડ, PM મોદીએ પાઠવી શુભેચ્છા