Gujarat Election: ભાજપના યુવા સ્ટાર પ્રચારક તેજસ્વી સૂર્યાએ કહ્યું ભાજપની જીતમાં યુવા મતદાતાઓનું મોટું યોગદાન
તેજસ્વી સૂર્યા તેમજ પ્રશાંત કોરાટે પત્રકારો સાથેની વાતચીતમાં વિશ્વાસ વ્યક્ત કર્યો કે- છેલ્લી 6 ચૂંટણીમાં ભાજપની જીત પાછળ યુવા મતદાતાઓની તાકાત અને આશીર્વાદે મોટું યોગદાન આપ્યું છે આ વખતે પણ યુવા અને મહિલા મતદાતા પાર્ટીને આશીર્વાદ આપશે.
યુવા મતદારોને આકર્ષવા માટે ભાજપે કમર કસી છે આજે યુવા મોરચાના રાષ્ટ્રીય અધ્યક્ષ તેજસ્વી સૂર્યા ગુજરાતની મુલાકાતે છે.. અમદાવાદ, ગાંધીનગર અને સાબરકાંઠામાં યુવાનો સાથે તેમના સંવાદ કાર્યક્રમનું આયોજન છે. આ પહેલા તેમણે જમાલપુર સ્થિત જગન્નાથ મંદિરમાં દર્શન કર્યા હતા તેમની સાથે ગુજરાત ભાજપના યુવા મોરચાના અધ્યક્ષ પ્રશાંત કોરાટ પણ ઉપસ્થિત રહ્યા. તેમણે પત્રકારો સાથેની વાતચીતમાં વિશ્વાસ વ્યક્ત કર્યો કે- છેલ્લી 6 ચૂંટણીમાં ભાજપની જીત પાછળ યુવા મતદાતાઓની તાકાત અને આશીર્વાદે મોટું યોગદાન આપ્યું છે આ વખતે પણ યુવા અને મહિલા મતદાતા પાર્ટીને આશીર્વાદ આપશે.
આ વખતે દરેક રાજકીય પક્ષ યુવાનોને આકર્ષવા માટે વ્યસ્ત છે કારણ કે રાજ્યમાં આ વખતે સૌથી વધુ યુવા મતદાતા નોંધાયા છે ત્યારે યુવાનોના વધુને વધુ વેટ શેર મળે તે માટે રાજકીય પક્ષો કમર કસી રહ્યા છે. આ વખતે ગુજરાતની વિધાનસભા ચૂંટણીમાં 3.23 લાખ યુવા મતદારો એવા છે જેઓ પહેલીવાર વોટ આપશે. આવા ફર્સ્ટ ટાઈમ વોટર માટે આખા રાજ્યમાં સમર્પિત મતદાનમથક બનશે. આ અંતર્ગત દરેક જિલ્લામાં એક મળીને કુલ 33 જિલ્લામાં આવા 33 યૂથ પોલ બૂથ બનાવવામાં આવશે. આવા મતદાન મથકોનું સંચાલન પણ સૌથી નાની ઉંમરના અને હાલમાં જ ભરતી કરાયેલા કર્મચારીઓ દ્વારા કરાશે.
ગુજરાત વિધાનસભા ચૂંટણીની (Gujarat Assembly Election) તારીખો જાહેર થઈ ચૂકી છે. કુલ બે તબક્કામાં મતદાન થશે, જેમાં 1 ડિસેમ્બરે પ્રથમ તબક્કાનું મતદાન થશે અને 5 ડિસેમ્બરે બીજા તબક્કાનું મતદાન થશે. હિમાચલ પ્રદેશની સાથે જ 8 ડિસેમ્બરે ગુજરાત વિધાનસભા ચૂંટણીનુ પરિણામ જાહેર થશે.
