ભાજપે ઉત્તર ગુજરાતમાં બે બેઠકો પર ઉમેદવારો જાહેર કરી દીધા છે. જેમાં બનાસકાંઠા બેઠક પર શિક્ષિત મહિલા ઉમેદવાર ભાજપે પસંદ કર્યા છે. જ્યારે પાટણમાં ભરતસિંહ ડાભીને રિપિટ કર્યા છે. જ્યારે કોંગ્રેસ હવે ઉત્તર ગુજરાતના ઉમેદવારોના નામ અંગે મહોર મારી શકે છે. હાલ તો કેટલાક ઉમેદવારોને ટેલિફોનિક જાણકારી આપી હોવાના સમાચાર સામે આવ્યા છે. જેમાં ગેનીબેન ઠાકોરનું નામ સામે આવી રહ્યુ છે.
તો પાટણ લોકસભા બેઠક પર ચંદનજી ઠાકોરનું નામ હવે ચર્ચામાં છે. પાટણ અને બનાસકાંઠા આમ બંને બેઠક પર ઠાકોર ઉમેદવારને મેદાને ઉતરવામાં આવી શકે છે. તો બીજી તરફ સાબરકાંઠા લોકસભા બેઠક પર કોંગ્રેસ તુષાર ચૌધરીને ઉતારવા માટેનો દાવ ખેલે આવી સંભાવના છે. તુષાર ચૌધરી પૂર્વ કેન્દ્રીય પ્રધાન છે અને પૂર્વ મુખ્યપ્રધાન અમરસિંહ ચૌધરીના પુત્ર છે. તો મહેસાણાં પણ કોંગ્રેસ ઠાકોર ઉમેદવાર દાવ ખેલવાનું વિચારી રહી છે. આમ કોંગ્રેસની યાદીમાં પટેલ ઉમેદવાર ક્યાંથી મેદાને ઉતારશે એ પણ સવાલ થઈ રહ્યા છે.