પંચમહાલ: રાજ્યભરમાં દિવાળી ટાણે GRD અને SRD જવાનોને પગાર ન મળ્યો હોવાની રાવ

દિવાળીનું પર્વ આવી ગયું, પરંતુ GRD અને SRD જવાનોને એક મહિનાનો પગાર ન મળ્યો હોવાની રાવ સામે આવી છે. રાજ્યભરના 40 હજારથી વધુ જવાનો એક માસના પગારથી વંચિત હોવાની ફરિયાદ છે. ત્યારે પંચમહાલ જિલ્લા કલેક્ટરને આ મુદ્દે ગુજરાત કામદાર મહાસંગઠન મંચે આવેદનપત્ર આપ્યું છે.

આ પણ વાંચો પંચમહાલમાં ટેકાના ભાવે ડાંગર, મકાઈ અને બાજરીની ખરીદી, 7 હજારથી વધુ ખેડૂતોએ કરાવી નોંધણી

ગુજરાત કામદાર મહાસંગઠને કલેક્ટર મારફતે મુખ્યપ્રધાન, ગૃહપ્રધાન અને DGPને રજૂઆત કરી છે. દિવાળીના સમયે પગાર ન મળતા જવાનોને મુશ્કેલી સર્જાઈ છે. ત્યારે GRD અને SRD જવાનોના પગાર તાત્કાલિક અસરથી ચૂકવવામાં આવે તેવી કામદાર મહાસંગઠને માગ કરી છે.

(With Input : Nikunj Patel)