તાજેતરમાં થયેલા ભારે વરસાદને લઈ નર્મદા નદીમાં પૂર આવ્યુ હતુ. નર્મદા નદીના ઉપરવાસમાં થયેલા ભારે વરસાદને પગલે ભારે પૂરની સ્થિતિ સર્જાઈ હતી. નદી કાંઠા વિસ્તારના અનેક ખેતરોમાં પૂરના પાણી ફરી વળ્યા હતા. નર્મદા નદી કાંઠા નજીક આવેલા ખેતરોમાં પૂરના પાણીથી નુક્સાનની સ્થિતિ સર્જાઈ છે. સરકારે ખેતીમાં થયેલા નુક્સાનને લઈ સરકારે રાહત સહાય પેકેજ જાહેર કર્યુ છે. જેને લઈ સ્થાનિક નર્મદા જિલ્લાના ખેડૂતોએ સહાયને નજીવી ગણાવી છે.
નર્મદા જિલ્લાના ખેડૂતોનુ કહેવુ છે કે, જે પેકેજ સરકારે જાહેર કર્યુ છે એ ખૂબ જ નજીવુ જાહેર કરવામાં આવ્યુ છે. અમે જે નુક્સાન ભોગવ્યુ છે એ ખૂબ જ મોટુ છે એની સામે આ પ્રકારની સહાય એ ખૂબ જ ઓછી છે. આ પ્રકારની સહાયએ યોગ્ય નહીં હોવાનુ ખેડૂતો ગણાવી રહ્યા છે. ખેડૂતોએ રોષ ઠાલવતા કહ્યુ કે, જે સહાય જાહેર કરી છે એનાથી તો માત્ર ખેતર જ સાફ થઈ શકે એટલી ઓછી છે.
Published On - 8:13 pm, Sat, 23 September 23