ગુજરાત વિધાનસભાની ચૂંટણીની ( Gujarat Assembly Elections) જાહેરાત થવાને હવે ગણતરીના દિવસો બાકી છે. ત્યારે કેન્દ્રીય ગૃહપ્રધાન અમિત શાહે (Union Home Minister Amit Shah ) ગુજરાતની કમાન પોતાના હાથમાં લીધી છે. કેન્દ્રીય ગૃહ પ્રધાન અમિત શાહ વિધાનસભા ચૂંટણીને લઇને અનેક ઉચ્ચસ્તરીય બેઠકો યોજી ચૂંટણીલક્ષી રાજકીય રોડમેપ નક્કી કરશે. આજે કમલમ ખાતે અમિત શાહ મેરેથોન બેઠકો યોજશે.
આખા દિવસ દરમિયાન પ્રદેશના મુખ્ય હોદ્દેદારો, વિધાનસભા મતવિસ્તારના પ્રભારીની હાજરીમાં બેઠક યોજાશે. ચૂંટણી મેનેજમેન્ટ કમિટી અને સરકારનાં મંત્રીઓ સાથે પણ અમિત શાહ બેઠક આયોજિત કરવાના છે. પ્રદેશ મોરચાના મુખ્ય હોદ્દેદારો સાથે પણ તેઓ બેઠક યોજાશે. આ બેઠકમાં ચૂંટણીલક્ષી ચર્ચા કરવામાં આવશે. આ બેઠકમાં ચર્ચા કરીને તમામ હોદ્દેદારોને અલગ અલગ જવાબદારી સોંપવામાં આવશે. સાથે સાથે 9 ઓક્ટોબરે PM મોદીની ગુજરાત મુલાકાત મુદ્દે પણ ચર્ચા થશે. બેઠકમાં CM ભૂપેન્દ્ર પટેલ, સી.આર. પાટીલ સહિત સંગઠનના ટોચના હોદ્દેદારો પણ ઉપસ્થિત રહેશે