અદાણીની દિવાળી, સામાન્ય જનતા પીસાઈ: અદાણી ગેસે પીએનજીના ભાવમાં ઝીંક્યો વધારો

અદાણી ગેસ દ્વારા સીએનજી અને પીએનજીમાં મનફાવે તેમ વધારો ઝીંકવામાં આવી રહ્યો છે. હજુ 18 ઓક્ટોબરે જ સીએનજીના ભાવમાં 1.50 રૂપિયાનો વધારો ઝીંક્યા બાદ આજથી અમલમાં આવે તે રીતે ઘર વપરાશના PNG માં વધારો ઝીંક્યો છે. 1.60 MMBTU સુધીનો વપરાશ હશે તો નવો ભાવ રૂ.1089.20 લાગુ પડશે. જ્યારે 1.60 MMBTU થી વધુ વપરાશ પર રૂ.1307.04 ચૂકવવા પડશે. જણાવી દઈએ કે અદાણી ગેસે પીએનજીનો ભાવ 33.60 રૂપિયા વધાર્યો છે. દિવાળીના તહેવારોને હવે ગણતરીના જ દિવસો બાકી છે. ત્યારે પ્રજા પર દરરોજ ભાવ વધારાનો બોજ ઝીંકવામાં આવી રહ્યો છે. રોજેરોજ ભાવ વધારાના કારણે હવે પ્રજા ત્રાહિમામ પોકારી ઉઠી છે.

અદાણીએ માત્ર PNG નહીં પરંતુ CNG ના ભાવમાં પણ ખુબ વધારો ઝીંક્યો છે. નેચરલ ગેસના ભાવમાં વધારો કંપનીએ કાર્યો હતો. તે બાદ અદાણી ગેસ દ્વારા સીએનજીના ભાવમાં પણ ખુબ વધારો ઝીંક્યો. ઓક્ટોબર માસમાં જ ત્રીજી વખત 11-10 ઓક્ટોબરના રોજ રૂ1.63નો વધારો ઝીંકવામાં આવ્યો હતો.

ત્યાર બાદ ફરી વધારો કર્યો હતો. જે 18-10-21ના રોજથી અમલમાં આવવાનો હતો. જેમાં 1.50 નો વધારો કરતા સીએનજી પ્રતિ કિલોનો ભાવ વધીને 62.99 રૂપિયા થઇ ગયો હતો.

આ પણ વાંચો: Corona in china : ચીનમાં ડેલ્ટા વેરિઅન્ટે વધારી ચિંતા, હોટસ્પોટ બનેલા વિસ્તારમાં લોકડાઉન તો પર્યટક સ્થળો પર પાબંધી

આ પણ વાંચો: Aryan Khan Drug Case: સમીર વાનખેડેએ પોલીસ કમિશનરને લખ્યો પત્ર, ‘મને આર્યન કેસમાં ખોટી રીતે ફસાવવાની કોશિશ કરવામાં આવી રહી છે’