Breaking News : દેવાયત ખવડને હાઈકોર્ટથી હંગામી રાહત, 23 ફેબ્રુઆરી સુધી ધરપકડ પર રોક- જુઓ Video
ડાયરા કલાકાર દેવાયત ખવડને ગુજરાત હાઈકોર્ટથી હંગામી રાહત મળી છે. ચાંગોદરના મામલામાં આગોતરા જામીન અરજી અંગે કોર્ટે તેમની ધરપકડ પર ૨૩ ફેબ્રુઆરી સુધી રોક લગાવી છે. અગાઉ સેશન્સ કોર્ટે જામીન રદ કર્યા હતા. હવે આગામી સુનાવણી ૨૩ ફેબ્રુઆરીએ હાથ ધરાશે.
ડાયરા કલાકાર દેવાયત ખવડને ગુજરાત હાઈકોર્ટથી હંગામી રાહત મળી છે. ચાંગોદરમાં થયેલી માથાકૂટ બાદ તેમની વિરુદ્ધ નોંધાયેલા કેસમાં દાખલ કરાયેલી આગોતરા જામીન અરજી અંગે હાઈકોર્ટે તેમની ધરપકડ પર 23 ફેબ્રુઆરી સુધી રોક લગાવી દીધી છે. આ મામલે આગામી સુનાવણી 23 ફેબ્રુઆરીના રોજ હાથ ધરાશે, જેમાં કોર્ટ વધુ નિર્દેશ આપી શકે છે.
મળતી માહિતી અનુસાર દેવાયત ખવડ વિરુદ્ધ ચાંગોદર પોલીસ સ્ટેશનમાં માથાકૂટ અંગે ફરિયાદ નોંધાઈ હતી. આ ફરિયાદ બાદ તેઓ જેલમાં હતા, તે દરમિયાન તેમને અમદાવાદમાંથી શરતી જામીન મળ્યા હતા. આ જામીનની એક મુખ્ય શરત એ હતી કે તેઓ ફરીથી આવા કોઈ કૃત્યમાં સંડોવાશે નહીં. જોકે જામીન પર છૂટ્યા બાદ તાલાલામાં એક યુવક પર હુમલો થયો હોવાનો બનાવ બન્યો હતો. આ હુમલા બાદ અમદાવાદ કોર્ટમાં દેવાયત ખવડના શરતી જામીન રદ કરવાની અરજી કરવામાં આવી હતી અને અમદાવાદ કોર્ટે તેમના જામીન રદ કરી દીધા હતા.
આ ઘટનાક્રમ બાદ દેવાયત ખવડે આગોતરા જામીન માટે ગુજરાત હાઈકોર્ટમાં અરજી દાખલ કરી હતી. હાઈકોર્ટમાં આ અરજીની સુનાવણી દરમિયાન કોર્ટ દ્વારા કેટલાક ડિરેક્શન્સ આપવામાં આવ્યા હતા. આજે આ કેસમાં વધુ સુનાવણી હાથ ધરાવાની હતી, પરંતુ કોર્ટે 23 ફેબ્રુઆરી સુધી વચગાળાની રાહતને લંબાવી દીધી છે. એટલે કે 23 ફેબ્રુઆરી સુધી દેવાયત ખવડની ધરપકડ પર રોક યથાવત રહેશે અને આ સમયગાળા દરમિયાન કોઈ અંતિમ નિર્ણય લેવામાં આવશે નહીં.
આ કેસની જટિલતા અને કાયદાકીય પ્રક્રિયાને જોતાં ૨૩ ફેબ્રુઆરીની સુનાવણી અત્યંત મહત્વપૂર્ણ બની રહેશે. ત્યાં સુધી દેવાયત ખવડને વચગાળાનો સમય મળ્યો છે, જ્યારે કોર્ટ દ્વારા મામલાની વધુ વિગતવાર તપાસ કરીને આગામી કાર્યવાહી અંગે નિર્ણય લેવામાં આવશે.
Input Credit : Ronak Varma
પરષોત્તમ સોલંકીનો દબંગ અંદાજ, કોઈના નામ લીધા વગર આપ્યો આ સંકેત ! આ સ્ટોરી વાંચવા અહીં ક્લિક કરો
