ગાંધીનગરના ચિલોડાના સાદરા ગામે વિધર્મીએ હિન્દુ દેવી- દેવતા પર વિવાદીત ટિપ્પણી કરી હોવાની ઘટન સામે આવી છે. ભગવાન રામ અને માતા સીતા પર વિવાદાસ્પદ ટિપ્પણી કરતા લોકોમાં રોષ જોવા મળ્યો છે. સોશિયલ મીડિયા પર ટિપ્પણી કરતા મામલો ગરમાયો છે.
બજરંગ દળ અને સાદરા ગામના સ્થાનિકો દ્વારા ગામમાં સજ્જડ બંધ છે. બજરંગ દળના સભ્યો ચિલોડા પોલીસ સ્ટેશનમાં ઉમટ્યાં છે. જવાબદાર સામે યોગ્ય કાર્યવાહી કરવા માગ કરી છે.
બીજી તરફ ભાવનગરના સ્મશાનમાંથી વાંધાજનક હરકતો કરતા બાવાનો વીડિયો વાયરલ થયો છે. પોતાને અઘોરી બાવો કહેતા વ્યક્તિનો વીડિયો વાયરલ થયો છે. વીડિયો કુંભારવાડા સ્મશાનની અંદરનો હોવાનું સામે આવ્યું છે.ચિતાની જગ્યાએ ધુણતો હોય તેવો વીડિયોમાં જોવા મળે છે. પૂનમના દિવસે લોકોની સામે ધૂણી બાવો રહ્યો હતો. માતાજી વિરુદ્ધ પણ અપમાનજનક શબ્દોનો ઉચ્ચાર કર્યો હતા.