Breaking News : વડોદરા યુનાઈટેડ વે ગરબામાં પ્રથમ નોરતે મોબાઈલ ચોરીનો વિવાદ, ખેલૈયાઓમાં આક્રોશ, જુઓ Video

વડોદરા શહેરમાં જાણીતા યુનાઈટેડ વે ગરબા મહોત્સવમાં નવરાત્રીના પ્રથમ નોરતે જ વિવાદ સર્જાયો હતો. ખેલૈયાઓએ મોબાઈલ ચોરી થયાના આક્ષેપો કરતાં વાતાવરણ ગરમાયું હતું. આયોજકો અને ખેલૈયાઓ વચ્ચે ઉગ્ર બોલાચાલી થતાં મામલો બિચક્યો હતો, જેના કારણે પોલીસને મધ્યસ્થી કરવાની ફરજ પડી હતી.

આ વર્ષે યુનાઈટેડ વે દ્વારા ઇ-પાસની વ્યવસ્થા કરવામાં આવી છે, જેના કારણે ખેલૈયાઓ માટે મોબાઈલ ફોન સાથે રાખવા ફરજિયાત બન્યા છે. પ્રથમ નોરતે જ કેટલાક ખેલૈયાઓએ પોતાના મોબાઈલ ચોરી થયા હોવાના આક્ષેપ કર્યા હતા. આ ઘટનાને પગલે ખેલૈયાઓમાં ભારે રોષ જોવા મળ્યો હતો અને તેઓએ આયોજનના અભાવ સામે સવાલો ઉઠાવ્યા હતા.

મોટા ગરબા મહોત્સવમાં મોટી ફી ચૂકવ્યા પછી પણ સુરક્ષા વ્યવસ્થાને લઈને ઉભી થયેલી આ સમસ્યાએ ખેલૈયાઓની ચિંતામાં વધારો કર્યો છે. પોલીસે આ મામલે તપાસ હાથ ધરી છે અને આયોજકો દ્વારા પણ કાર્યવાહીનું આશ્વાસન આપવામાં આવ્યું છે, પરંતુ આ ઘટનાએ યુનાઈટેડ વેના આયોજન પર પ્રશ્નાર્થ ઊભા કર્યા છે.

મોરબીના હળવદમાં જૂથ અથડામણ, રસ્તા પરની બોલાચાલીએ ઉગ્ર સ્વરૂપ ધારણ કરતાં ત્રણ ઘાયલ