અરવલ્લી જિલ્લાના બાયડ તાલુકામાં અસામાજીક તત્વોના આતંકના CCTV વીડિયો વાયરલ થયા છે. ચાઈનીઝ ફૂડની લારી ચલાવતા પરપ્રાંતિય યુવકને સ્થાનિક અસમાજીક તત્વો દ્વારા હુમલો કરીને માર મારતા વીડિયો સામે આવ્યા છે. યુવકને માર મારીને ગુંડાગીરી દર્શાવતા હોય એવા દ્રશ્યો સામે આવ્યા છે. તો વળી આ હુમલાખોર યુવકોને આટલેથી સંતોષ ના થયો હોય એમ કારને રિવર્સ હંકારીને લારી સાથે અથડાવીને નુક્સાન પહોંચાડવા માટે પ્રયાસ કરીને આતંક મચાવ્યો હતો.
ઘટના બાદ હવે સાઠંબા પોલીસ દ્વારા પણ આ મામલે હવે અસામાજીક તત્વોને પાઠ ભણાવવા માટે કાર્યવાહી હાથ ધરી છે. વીડિયોમાં જોવા મળતા યુવકો અને કાર સંદર્ભેની વિગતો સાઠંબાની સ્થાનિક પોલીસે મેળવાની કાર્યવાહી શરુ કરી છે. આમ હવે આવા તત્વોની સામે આકરી કાર્યવાહી હાથ ધરવાનો સ્થાનિકોમાં રોષ સાથે માંગ વર્તાઈ રહી છે. જેને લઈ હવે કાર્યવાહી હાથ ધરાશે.
ગુજરાતના તમામ જિલ્લાના સમાચાર વાંચવા માટે અહીં ક્લિક કરો
Published On - 8:36 pm, Fri, 12 July 24