Breaking News : પાલીતાણામાં ધોધમાર વરસાદ બાદ નદીઓમાં આવ્યા ઘોડાપૂર, રજાવળ નદીમાં કાર તણાઈ, જુઓ Video
ગુજરાતના અનેક વિસ્તારમાં ધોધમાર વરસાદ ખાબક્યો છે. જેમાંથી ભાવનગરના પાલીતાણામાં પણ ભારે વરસાદ ખાબકતા 12 ગામનો સંપર્ક તૂટ્યો છે. ત્યારે સમગ્ર વિસ્તારમાં મુશળધાર વરસાદ ખાબક્તા રંડોળા ગામની રજાવળ નદી બે કાંઠે વહેતી થઈ છે.
ગુજરાતના અનેક વિસ્તારમાં ધોધમાર વરસાદ ખાબક્યો છે. જેમાંથી ભાવનગરના પાલીતાણામાં પણ ભારે વરસાદ ખાબકતા 12 ગામનો સંપર્ક તૂટ્યો છે. ત્યારે સમગ્ર વિસ્તારમાં મુશળધાર વરસાદ ખાબક્તા રંડોળા ગામની રજાવળ નદી બે કાંઠે વહેતી થઈ છે. જેના કારણે નદીમાં કાર તણાઈ છે. નદીમાં કાર તણાઈ હોવાનો વીડિયો વાયરલ થયો છે. જો કે સમગ્ર ઘટનામાં કારની અંદર સવાર પરિવારનો આબાદ બચાવ થયો છે.
પાલીતાણાના 12 ગામ સંપર્ક વિહોણા
ભાવનગરના પાલિતાણામાં 12 ઈંચ વરસાદ ખાબકતા ચારેકોર પાણી જ પાણી જોવા મળ્યું છે. પાલિતાણા અને સિહોરને જોડતા 12 ગામોના સંપર્ક તૂટ્યો છે. રંડોળાથી સિહોરને જોડતો મુખ્ય માર્ગ પણ ભારે વરસાદ ખાબકતા તૂટ્યો હોવાનું સામે આવ્યું છે. બુઢણા, લવરડા, ઢૂંઢસર, ગુંદળા સહિતના ગામો સંપર્ક વિહોણા થયા હોવાનું સામે આવ્યું છે.
ભાવનગરમાં સાર્વત્રિક વરસાદથી અનેક રસ્તાઓ બંધ થયા છે. ભાવનગરથી વલ્લભીપુર, ધંધુકા થઈ અમદાવાદ જતો હાઈવે બંધ કરવામાં આવ્યો છે. ચમારડી પાસે આવેલ કોઝવેમાં પાણી ભરાતા હાઈવે બંધ કરવામાં આવ્યો છે. રસ્તાઓ બંધ થતા અનેક વાહન ચાલકો મુશ્કેલીમાં મુકાયા છે. જો કે તંત્ર દ્વારા તકેદારીના પગલાં લેવા કામગીરી હાથ ધરાઈ છે.
