દેવભૂમિ દ્વારકાના ખંભાળિયામાં રખડતા ઢોરનો ત્રાસ યથાવત છે. તહેવારના દિવસે જ રસ્તા વચ્ચે બે આખલા બાખડતા જોવા મળ્યા. બંને આખલા વચ્ચે એવો જોરદાર યુદ્ધ સર્જાયો કે આસપાસના લોકો પોતાનો જીવ બચાવીને ભાગ્યા. આ ઘટનાનો વીડિયો વાયરલ થયો છે.
દેવભૂમિ દ્વારકાના ખંભાળિયામાં મહાપ્રભુજીની બેઠક પાસેના રોડ પરની આ ઘટના છે. જ્યાં એક તરફ લોકો સાંજના સમયે ધાર્મિક સ્થળની મુલાકાતે જતા હતા, તો બીજી તરફ આખલાયુદ્ધ ખેલાયુ હતુ. જેને લઇ લોકોમાં નાસભાગ મચી અને ભય ફેલાયો હતો. તેમજ આસપાસના અનેક વાહનોને પણ નુકસાન થયું હતુ.
આ પણ વાંચો- વડોદરા વીડિયો : શેરબજારમાં સારી કમાણી કરી આપવાની લાલચ આપી ઠગાઇ, કુલ 9 આરોપી પોલીસ સકંજામાં
ટ્રાફિકથી ધમધમતો રોડ અને પર્વના દિવસે પણ આવા આખલા યુદ્ધથી લોકો કંટાળી ગયા છે અને બહાર જતા પણ ડરે છે. જો કે સદનસીબે કોઇ જાનહાનિ કે અકસ્માત નથી થયો, ત્યારે લોકોએ માગ કરી છે કે તંત્ર રખડતા આતંકથી મુક્તિ અપાવે.