Breaking news: ઈરાન-ઈઝરાયલ તણાવ વચ્ચે ભારતને મોટી રાહત, UAEથી ક્રૂડ લઈને ‘જગ લાડકી’ જહાજ મુંદ્રા બંદર પહોંચ્યું
મધ્ય પૂર્વમાં ચાલી રહેલા Iran–Israel conflict વચ્ચે ભારત માટે રાહતના સમાચાર સામે આવ્યા છે. તણાવ અને અનિશ્ચિતતા વચ્ચે ભારત સુધી ત્રીજું ઇંધણ જહાજ સફળતાપૂર્વક પહોંચી ગયું છે.
મધ્ય પૂર્વમાં ચાલી રહેલા Iran–Israel conflict વચ્ચે ભારત માટે રાહતના સમાચાર સામે આવ્યા છે. તણાવ અને અનિશ્ચિતતા વચ્ચે ભારત સુધી ત્રીજું ઇંધણ જહાજ સફળતાપૂર્વક પહોંચી ગયું છે.
ઇંધણ પુરવઠા અંગે ચિંતા વધી હતી
મળતી માહિતી મુજબ, ‘જગ લાડકી’ નામનું જહાજ યુએઈમાંથી 80,800 મેટ્રિક ટન ક્રૂડ ઓઈલ લઈને ગુજરાતના Mundra Port પર સુરક્ષિત રીતે પહોંચ્યું છે. હાલના સંજોગોમાં આ ઘટના ભારત માટે ખૂબ જ મહત્વપૂર્ણ માનવામાં આવી રહી છે, કારણ કે મધ્ય પૂર્વમાં વધતા તણાવને કારણે તેલ સપ્લાય પર અસર થવાની ભીતિ ઉભી થઈ છે.
ખાસ કરીને Strait of Hormuz વિસ્તારમાં વધેલા તણાવને કારણે વૈશ્વિક સ્તરે ઇંધણ પુરવઠા અંગે ચિંતા વધી છે. આ માર્ગમાંથી વિશ્વના મોટા ભાગનું તેલ પરિવહન થાય છે, તેથી કોઈપણ વિક્ષેપ વૈશ્વિક બજારોને અસર કરી શકે છે.
ઊર્જા સુરક્ષા અંગે થોડી રાહત
તેમ છતાં, ભારતે અત્યાર સુધી પોતાના ઇંધણ પુરવઠાને સુચારૂ રાખવામાં સફળતા મેળવી છે. અગાઉ પણ બે ટેન્કર સુરક્ષિત રીતે પહોંચ્યા હતા અને હવે ત્રીજું ટેન્કર પહોંચતા ઊર્જા સુરક્ષા અંગે થોડી રાહત મળી છે.
વિશેષજ્ઞો માને છે કે આવનારા દિવસોમાં પણ ભારતને આવા વિકલ્પિક સ્ત્રોતો અને મજબૂત આયોજનની જરૂર રહેશે, જેથી આંતરરાષ્ટ્રીય તણાવ વચ્ચે પણ દેશની ઊર્જા જરૂરિયાતો પૂરી થઈ શકે.
