Breaking News : આણંદમાં 770 કરોડથી વધુના સાયબર ફ્રોડ કૌંભાડનો પર્દાફાશ થયો, જુઓ Video
આણંદ સાયબર ક્રાઈમ પોલીસ સ્ટેશનને એક બહુ મોટી સફળતા મળી છે. આંતરરાષ્ટ્રીય સાયબર ક્રાઈમ ગેંગના સાગરીતોને પોલીસે ઝડપી પાડ્યા છે. આ મામલે કેટલાક આરોપીની ધરપકડ કરવામાં આવી છે. તો કેટલાક હજુ પોલીસ પકડથી દુર છે.
તમે અનેક વખત એવી વાતો સાંભળી હશે કે, કોઈ વ્યક્તિ સાથે મોટો ફ્રોડ થયો હોય. આ ફ્રોડમાં તેવો લાખો રુપિયા ગુમાવી દે છે. આણંદ સાયબર ક્રાઈમ પોલીસની મોટી સફળતા મળી છે. આંતરરાષ્ટ્રીય સાયબર ફ્રોડ ગેંગનો પર્દાફાશ કર્યો છે.વિદેશોમાં તાર ધરાવતી અને લોકો સાથે કરોડો રૂપિયાની છેતરપિંડી કરતી એક ઓર્ગેનાઈઝ્ડ આંતરરાષ્ટ્રીય સાયબર ક્રાઈમ ગેંગના સાગરીતોને પોલીસે ઝડપી પાડ્યા છે.
આ ગેંગે ભારતના અલગ-અલગ રાજ્યોના લોકો સાથે રૂ770,20,16,858 કરોડથી વધુનું મસમોટું સાયબર ફ્રોડ આચર્યું હોવાનું સામે આવ્યું છે. 770 કરોડથી વધુ રૂપિયાની સાયબર હેરાફેરી કરવામાં આવી છે. જેમાં પાકિસ્તાન અને યુગાન્ડા કનેક્શન ખુલ્યું છે.
પાકિસ્તાન અને યુગાન્ડા કનેક્શન ખુલ્યું
ભારતના લોકો પાસેથી છેતરીને મેળવેલા નાણાં બાયનાન્સ (Binance) એપ્લિકેશન તેમજ હવાલા મારફતે પાકિસ્તાન, યુગાન્ડા (આફ્રિકા) અને યુ.એ.ઈ. (UAE) જેવા દેશોમાં મોકલવામાં આવતા હતા. આ મહાકૌભાંડને અંજામ આપવા માટે અલગ-અલગ બેંકોના 186 જેટલા ખાતાઓનો દુરુપયોગ કરવામાં આવ્યો હતો. આ એકાઉન્ટ્સ પર NCCRP પોર્ટલ મારફતે 795 જેટલી ફરિયાદો/અરજીઓ થયેલી છે, જેના આધારે ભારતના વિવિધ રાજ્યોમાં 30 જેટલી FIR પણ રજીસ્ટર થઈ ચૂકી છે.
પોલીસ પકડમાં આવેલા મુખ્ય આરોપીઓની વાત કરીએ તો.
- દક્ષેશભાઈ નથુભાઈ પટેલ ( વિસનગર, જી. મહેસાણા)
- શિવાની રાકેશભાઈ ડબગર (રહે. કતારગામ, સુરત)
- ધ્રુવ દક્ષેશકુમાર પટેલ (રહે. ન્યુ રાણીપ, અમદાવાદ મૂળ વિસનગર)
- પ્રેમકુમાર પરેશભાઈ પટેલ (રહે. સાયમા, ખંભાત, જી. આણંદ)
વોન્ટેડ આરોપીઓ પ્રફુલભાઈ લાલજીભાઈ બુટાણી (રહે. હાલ યુગાન્ડા / મૂળ ભાવનગર), હેતલ દક્ષેશ પટેલ (રહે. વિસનગર, મહેસાણા),શિવમ રાકેશભાઈ ડબગર (રહે. ઓલપાડ, સુરત છે.
