Amreli: રાજુલાના કોટડી ગામમાં રાત્રિના સમયે સિંહે કર્યા આંટાફેરા, દૃશ્યો CCTVમાં થયા કેદ- Video
સિંહોના ગઢ ગણાતા અમરેલી જિલ્લામાં અવારનવાર સિંહો રહેણાંક વિસ્તારોમા આવી ચડે છે. ક્યારેક શિકારની શોધમાં સિંહો ચાલતા ચાલતા રહેણાંક વિસ્તારોમાં આવી ચડે છે. ગીર જંગલ વિસ્તારની આસપાસ પશુપાલકોની વસ્તી વધુ હોવાથી સિંહો શિકાર માટે અહીં આવે ચડે છે. ત્યારે રાજુલાના કોટડી ગામે આવી ચડેલા સિંહોના સીસીટીવી સામે આવ્યા છે.
અમરેલી અને રાજુલાના વિસ્તારોમાં અવારનવાર સિંહની અવરજવર જોવા મળે છે. ત્યારે રાજુલાના કોટડી ગામે રાત્રિના સમયે સિંહ આવી ચડ્યા. સીસીટીવીમાં સિંહના આંટાફેરા જોઈ શકાય છે. જો કે ગામમાં સિંહની અવરજવરના કારણે લોકોમાં ભયનો માહોલ સર્જાયો છે.
બીજી તરફ નેશનલ હાઈવે પર સિંહ આવી ચડ્યા હોય તેવી વધુ એક ઘટના પ્રકાશમાં આવી છે. ગઈ કાલ બાદ આજે પણ આવાં જ દ્રશ્યો સામે આવ્યા છે. ભાવનગર સોમનાથ નેશનલ હાઈવે પર રાત્રિના સમયે 2 સિંહ જોવા મળ્યા. રસ્તો ક્રોસ કરતાં સિંહના આ દ્રશ્યો કાગવદર ગામ નજીકના છે. જો કે વાહનો તે સમયે અટકી ગયા હોવાથી અકસ્માતની ઘટના ટળી હતી. પરંતુ હાઈવે પર સિંહના આંટાફેરાની વધતી ઘટના સિંહના જીવ પર મોટુ જોખમ ઉભુ કરે છે.
અમરેલી જિલ્લામાં અને ગીર વિસ્તારના સિંહો અવારનવાર જંગલ છોડી બહાર આવી જાય છે અને રહેણાંક વિસ્તારોમાં ખોરાકની શોધમાં આંટાફેરા કરતા જોવા મળે છે. ગીર વિસ્તારમાં માલધારીઓની વસ્તી વધુ હોવાથી પશુઓનું મારણ કરવા સિંહો ગામમાં આવી ચડે છે.
Input Credit- Jaydev Kathi- Amreli
