આજનું હવામાન : દિવાળીમાં ગુજરાતમાં માવઠાની શક્યતા ! વરસાદને લઈ અંબાલાલ પટેલે કરી મોટી આગાહી, જુઓ Video

હવામાન વિભાગની આગાહી અનુસાર આજે રાજ્યમાં વરસાદી માહોલ જોવા મળે છે. તો આજે કેટલાક વિસ્તારોમાં ધોધમાર તો કેટલાક વિસ્તારોમાં ધીમીધારે વરસાદી ઝાપટા પડવાની શક્યતા છે. દક્ષિણ સૌરાષ્ટ્રના વિસ્તારમાં પણ હળવા વરસાદનું અનુમાન લગાવવામાં આવ્યું છે. તો કેટલાક વિસ્તારોમાં વરસાદની કોઈ જ શક્યતા નથી. હવામાન વિભાગના જણાવ્યા અનુસાર 11 અને 12 ઓક્ટોબર દરમિયાન દક્ષિણ ગુજરાત અને સૌરાષ્ટ્રના દક્ષિણ ભાગોમાં સામાન્ય ઝાપટા વરસી શકે છે.

વરસાદને લઈ અંબાલાલ પટેલે કરી મોટી આગાહી

બીજી તરફ અંબાલાલ પટેલની આગાહી અનુસાર દિવાળીના તહેવારો પર રાજ્યમાં માવઠાનો માર પડી શકે છે.બેસતા વર્ષના દિવસે રાજ્યમાં વાદળછાયુ વાતાવરણ રહેવાની શક્યતા છે. રાજ્યના કેટલાક વિસ્તારોમાં વરસાદ પડવાની શક્યતા છે.

હવામાન નિષ્ણાંત અંબાલાલ પટેલની આગાહી અનુસાર 13 ઓક્ટોબરથી રાજ્યના વાતાવરણમાં પલટો આવવાની શક્યતા છે. 18 થી 20 ઓકટોબર દરમિયાન બંગાળના ઉપસાગરમાં લો પ્રેશર બની શકે છે. ત્યારે 23 ઓક્ટોબરથી ગુજરાતમાં ઠંડા પવન ફૂંકાશે તેવી આગાહી કરવામાં આવી છે. તેમજ 18 નવેમ્બરથી બંગાળના ઉપસાગરમાં ચક્રવાતની શક્યતા છે. આ ઉપરાંત નવેમ્બર મહિનામાં પણ મોસમનો બેવડો માર સહન કરવો પડી શકે છે.