Ahmedabad Breaking : આનંદનગરના ફ્લેટમાં યુવતી સાથે સિક્યુરિટી ગાર્ડે આચર્યું દુષ્કર્મ, 3 દિવસ પહેલા જ લાગ્યો હતો નોકરીએ
કચ્છની રહેવાસી 23 વર્ષીય યુવતી આનંદનગર વિસ્તારમાં આવેલા ફ્લેટમાં અન્ય ત્રણ યુવતીઓ સાથે શેરિંગમાં રહેતી હતી. આરોપી ધર્મસિંહ નામનો પરપ્રાંતિય વ્યક્તિ ફ્લેટમાં સિક્યુરિટી ગાર્ડ તરીકે નોકરી કરતો હતો. તે ઘટનાના માત્ર ત્રણ દિવસ પહેલાં જ સિક્યુરિટી ગાર્ડ તરીકે નોકરીએ જોડાયો હતો.
અમદાવાદના આનંદનગર વિસ્તારમાં ફ્લેટમાં રહેતી 23 વર્ષીય યુવતી સાથે દુષ્કર્મની ઘટના સામે આવી છે. આ મામલે આનંદનગર પોલીસે તાત્કાલિક કાર્યવાહી કરીને સિક્યુરિટી ગાર્ડ તરીકે કામ કરતા આરોપીની ધરપકડ કરી છે. પોલીસે આરોપી વિરુદ્ધ ગુનો નોંધીને સમગ્ર ઘટનાની તપાસ શરૂ કરી છે.
આનંદનગરમાં દુષ્કર્મની ઘટના આવી સામે
મળતી માહિતી મુજબ, મૂળ કચ્છની રહેવાસી 23 વર્ષીય યુવતી આનંદનગર વિસ્તારમાં આવેલા ફ્લેટમાં અન્ય ત્રણ યુવતીઓ સાથે શેરિંગમાં રહેતી હતી. આરોપી ધર્મસિંહ નામનો પરપ્રાંતિય વ્યક્તિ ફ્લેટમાં સિક્યુરિટી ગાર્ડ તરીકે નોકરી કરતો હતો. તે ઘટનાના માત્ર ત્રણ દિવસ પહેલાં જ સિક્યુરિટી ગાર્ડ તરીકે નોકરીએ જોડાયો હતો.
સોસાયટીના સિક્યુરિટી ગાર્ડે આચર્યુ દુષ્કર્મ
આરોપી પર યુવતીને ધમકાવી તેની સાથે દુષ્કર્મ આચર્યાનો આરોપ છે. પોલીસ ફરિયાદ મુજબ, આરોપીએ વાયર વડે યુવતીનું ગળું દબાવી તેના પર દુષ્કર્મ આચર્યું હતું. ઘટનાને પગલે યુવતીની ફરિયાદના આધારે પોલીસે ગુનો નોંધી તપાસ શરૂ કરી હતી. લગભગ એક કલાક સુધી આ ઘટનાને અંજામ આપ્યો હોવાનો ફરિયાદમાં ઉલ્લેખ છે.
પોલીસે ધરપકડ કરી
ઘટના બાદ યુવતીએ પોલીસનો સંપર્ક કરતાં આનંદનગર પોલીસની ટીમે તાત્કાલિક તપાસ શરૂ કરી હતી. પોલીસે આરોપીને ઝડપી પાડીને કાયદેસરની કાર્યવાહી હાથ ધરી છે. હાલ પોલીસ દ્વારા ઘટનાસ્થળેથી મળેલા પુરાવા, આરોપીની પૂછપરછ અને સમગ્ર ઘટનાક્રમ અંગે વધુ તપાસ કરવામાં આવી રહી છે. સમગ્ર મામલે પોલીસે વધુ તપાસ હાથ ધરી છે અને ઘટનાને લગતા પુરાવા એકત્ર કરવામાં આવી રહ્યા છે.
