બોટાદના AAPના ધારાસભ્ય ઉમેશ મકવાણાએ મોટો દાવો કરતા કહ્યું છે કે હવે AAPનો એક પણ ધારાસભ્ય ભાજપમાં જોડાશે નહીં. ધારાસભ્ય ઉમેશ મકવાણાએ ભાજપ પર આક્ષેપ લગાવ્યો કે ભાજપ વિપક્ષને દબાવવાનું કામ કરે છે, પરંતુ અમે કોઈ ભાજપમાં જોડાવવાના નથી.
આ ઉપરાંત ધારાસભ્યે કહ્યું કે ભાજપમાં જોડાવવાની વાત બિલકુલ અફવા છે. અમે રાજનીતિ બદલવા આવ્યા છીએ ક્યારેય ભાજપમાં સામેલ નહીં થઈએ. તો જામજોધપુરના AAPના ધારાસભ્ય હેમંત ખવાએ પણ ભાજપમાં જવાની વાતને નકારીને કહ્યું કે મતદારો સાથે દ્રોહ ક્યારે નહીં કરું ઘરે બેસવાનું પસંદ કરીશ પણ ભાજપમાં નહી જોડાઉં.