Vadodara : લાકોદરા ગામે પાસે અજાણ્યા વાહને 3 જૈન સાધ્વીને મારી ટક્કર, જુઓ Video

રાજ્યમાં અવારનવાર અકસ્માતની ઘટના બનતી હોય છે. ત્યારે વડોદરામાં ફરી એક વખત અકસ્માતની ઘટના સામે આવી છે. વડોદરાના લાકોદરા ગામ પાસે અજાણ્યા વાહને 3 જૈન સાધ્વીને ટક્કર મારી હોવાની ઘટના સામે આવી છે. મળતી માહિતી અનુસાર 5 જૈન સાધ્વી વિહાર કરી રહ્યાં હતા, ત્યારે પુરપાટ ઝડપે આવતા વાહને 3 સાધ્વીને ટક્કર મારતા તેઓ ગંભીર રીતે ઈજાગ્રસ્ત થયા હતા. ત્રણેય જૈન સાધ્વીઓને તાત્કાલિક ધોરણે સારવાર અર્થે હોસ્પિટલ ખસેડવામાં આવ્યા હતા.

ભાવનગર અકસ્માતમાં થયા હતા 6 લોકોના મોત !

બીજી તરફ આ અગાઉ ભાવનગરમાં ખાનગી બસ ડમ્પર પાછળ ઘુસી જતા 6 લોકોના મોત થયા હતા. એપલ ટ્રાવેલ્સની બસ સુરતથી રાજુલા જઈ રહી હતી તે સમયે આ ઘટના બની હતી. જો સમગ્ર ઘટનાની વાત કરીએ તો વહેલી સવારે ત્રાપજ બાય પાસ પર બસ ડમ્પર પાછળ ઘુસી જતા ઘટના સ્થળે જ 3 બાળકો અને 1 મહિલા સહિત 6ના મોત થયા હતા. જ્યારે 19 લોકો ઈજાગ્રસ્ત થયા હતા. અકસ્માત સર્જાતા સ્થાનિકો દ્વારા તાત્કાલિક ઈજાગ્રસ્ત લોકોને હોસ્પિટલમાં સારવાર અર્થે ખસેડવામાં આવ્યા હતા.