Farmer Protest : ગાઝીપુર બોર્ડર ખાલી કરવાનો આદેશ, પોલીસ-પ્રદર્શનકારી આમને સામને

Farmer Protest : ખેડૂત આંદોલનકારીઓએ 26 જાન્યુઆરીએ Tractor Rally દરમિયાન દિલ્હીમાં હિંસા, તોડફોડ અને પોલીસ સાથે ઘર્ષણ કર્યા બાદ હવે સરકાર એક્શન મોડમાં છે. ગાઝીપુરના ડીએમએ ગાઝીપુર બોર્ડર પરથી રાકેશ ટીકૈત સહીતના ખેડૂત નેતાઓને બોર્ડર ખાલી કરવા નોટીસ આપી છે. પણ આંદોલન કરવા અડગ રહેલા રાકેશ ટીકૈત સહીતના ખેડૂતો હટવા તૈયાર નથી.

ગાઝીપુર બોર્ડર ખાલી કરવાના આદેશ
ગાઝીપુર પ્રશાસને ખેડૂતોને ગાઝીપુર બોર્ડર ખાલી કરવાના આદેશ આપી દીધા છે. ગાઝીપુર બોર્ડર પર મોટી સંખ્યામાં પોલીસ ખડકી દેવામાં આવી છે. પ્રશાસનના આદેશથી ગાઝીપુર બોર્ડર પર પ્રદર્શનકારી ખેડૂતોના ટેન્ટ ઉખાડવાની પ્રક્રિયા શરૂ કરી દેવામાં આવી છે. ગાઝીપુર પ્રશાસન કોઈપણ ભોગે ગાઝીપુર બોર્ડર ખાલી કરાવવાના મુડમાં છે જયારે ખેડૂત નેતાઓ ગાઝીપુર બોર્ડર ન છોડવા અડગ છે.

ગોળી ખાઇશું, હટીશું નહિ
ગાઝીપુરના ડીએમએ ગાઝીપુર બોર્ડર પરથી રાકેશ ટીકૈત સહીતના ખેડૂત નેતાઓને બોર્ડર ખલી કરવા નોટીસ આપી છે. નોટીસના પગલે પોલીસ ખેડૂત નેતાઓને હટાવવાના પ્રયાસો કરી રહી છે. આ દરમિયાન ખેડૂત નેતા રાકેશ ટીકૈતે કહ્યું કે એક પણ ખેડૂત અહી થી હટશે નહિ. અમે પોલીસની ગોળી ખાઇશું પણ હટીશું નહિ. આ સાથે જ રાકેશ ટીકૈતે કહ્યું કે જો પોલીસ દમન કરશે અને ગાઝીપુર બોર્ડર પર કાઈ પણ થશે તો તેની જવાદારી પોલીસની રહેશે.